Tag Archives: მდინარე

არღუნი

არღუნი, მდინარე საქართველოსა და ჩეჩნეთში, მდინარე სუნჯის მარჯვენა შენაკადი. სიგრძე 148 კმ, აუზის ფართობი 3,4 ათასი კმ2. იწყება საქართველოში, პირიქითა ხევსურეთში, კავკასიონის მთავარი წყალგამყოფი ქედის ჩრდილოეთ კალთაზე, დათვისჯვრის უღელტეხილის მახლობლად. ზემო დინებაში არღუნი მთის სწრაფი მდინარეა, შუაწელში არღუნის ხეობა განიერდება, ქვემო დინებაში ვაკეზე გამოდის. საზრდოობს თოვლის, წვიმისა და მიწისქვეშა წყლით, აგრეთვე მარადიული თოვლისა და მყინვარების წყლით. წყალდიდობა გაზაფხუზე იცის, წყალმცირობა – ზამთარში. მთავარი შენაკადებია ანდაქი (საქართველოს ფარგლებში) და შაროარღუნი.
დახასიათება
სიგრძე 148 კმ
აუზის ფართობი 3400 კმ²
ქვეყნები: საქართველო; ჩეჩნეთი

ka.wikipedia.org

აჭარისწყალი

აჭარისწყალი — მდინარე საქართველოში, აჭარის ავტონომიური რესპუბლიკის ტერიტორიაზე, ჭოროხის მარჯვენა შენაკადი. იგი სათავეს იღებს არსიანის ქედზე, მიედინება ვიწრო, ღრმა ხეობაში, შესართავთან ფართოვდება. აჭარისწყლის სიგრძე 90 კმ-ია, აუზის ფართობი — 1540 კმ². მდინარე საზრდოობს სხვადასხვა წყაროებით, ძირითადად წვიმის წყლებით. ახასიათებს ადიდება მთელი წლის განმავლობაში. აჭარისწყალზე არის აწჰესი — აჭარისწყლის ჰიდროელექტროსადგური.
დახასიათება
სიგრძე 90 კმ
აუზის ფართობი 1540 კმ²
წყლის ნაკადი
სათავე არსიანის ქედი
ჩაედინება მდინარე ჭოროხში

ka.wikipedia.org

არაგვი

არაგვი — მდინარე აღმოსავლეთ საქართველოში, ყაზბეგის, დუშეთისა და მცხეთის მუნიციპალიტეტებში. სიგრძე 112 კმ, აუზის ფართობი 2724 კმ2. არაგვის სისტემას ქმნის მდინარეები – მთიულეთის (თეთრი) არაგვი, გუდამაყრის (შავი) არაგვი, ხევსურეთის არაგვი და ფშავის არაგვი. მთავარია არაგვი, რომელიც იწყება ყელის ვულკანური მთიანეთის ჩრდილო-აღმოსავლეთ ნაწილში. არაგვი ზემო და შუა დინებაში მთის მდინარეა, ქვემო დინებით მუხრან-საგურამოს ვაკეზე იშლება. შესართავთან კვეთს სხალტბისა და საგურამოს ქედებს. ქ. მცხეთასთან ერთვის მტკვარს მარცხენა მხრიდან.
არაგვი საზრდოობს მიწისქვეშა, წვიმისა და თოვლის, აგრეთვე მყივნარებისა და მარადიული თოვლის წყლით. მიწისქვეშა წყალი მდინარის სხვადასხვა ნაწილში წლიური ჩამონადენის 40-70% შეადგენს, წვიმისა და თოვლის წყალი კი – ცალ-ცალკე 16-იდან 30%-მდე აღწევს. წყალდიდობა იწყება გაზაფხულზე და შუა აგვისტომდე გრძელდება. შემოდგომაზე ხშირია წყალმოვარდნა. ზამთარში წყალმცირეა. არაგვის ნადენის 39,3% შეადგენს, ზაფხულში – 30,8%, შემოდგომაზე – 19,5%, ზამთარში – 10,4%. არ იყინება.
არაგვს მტკვარში წლიურად 1,5 მლრდ.მ3 წყალი შეაქვს. იყენებენ მუხრან-საგურამოს ვაკის სარწყავად. არაგვის ქვემო დინების ფარგლებში გამოედინება ბულაჩაურის, ნატახტრისა და საგურამოს წყაროები, რომლებიც ქ. თბილისს სასმელი წყლით ამარაგებს. არაგვის ხეობაში გადის საქართველოს სამხედრო გზა.
მდინარე არაგვის სავარაუდო უცხოური სახელწოდებაა პელორი: მომდინარეობს ბერძნული ზმნისგან – pelo – ვმოძრაობ, მივისწრაფი. მოიხსენიებს II-III საუკუნეების ბერძენი ისტორიკოსი დიონ კასიუსი ძვ. წ. 65 იბერიაში რომაელთა ლაშქრობასთან დაკავშირებით (იხილეთ პომპეუსის ლაშქრობა საქართველოში).

ka.wikipedia.org

ალგეთი (მდინარე)

ალგეთი, მდინარე აღმოსავლეთ საქართველოში, თეთრი წყაროსა და მარნეულის მუნიციპალიტეტებში. სიგრძე 108 კმ, აუზის ფართობი 763 კმ². სათავე აქვს თრიალეთის ქედის სამხრეთ კალთაზე, კლდეკარის კლდეების მახლობლად (ზღვის დონიდან 1900 მ). ზემოწელში მიედინება სამხრეთ-აღმოსავლეთისაკენ ღრმა, ტყიან, ხოლო სოფელ ტბისიდან – ვიწრო, კლდოვან ხეობაში, მარნეულთან კი გამოდის ვაკეზე მდინარე მტკვარს ერთვის მარჯვნიდან, სოფელ ქესალოს მახლობლად. საზრდოობს წვიმის, თოვლისა და მიწისქვეშა წყლით. წლიური ჩამონადენის დაახლოებით 45%-ს შეადგენს წვიმის, 25%-ს – თოვლის, 30%-ს მიწისქვეშა წყალი. წყალდიდობა გაზაფხულზე და ზაფხულის დამდეგს იცის, წლის სხვა დროს წყალმცირეა. ჩამონადენის მინიმუმი ოქტომბერშია. გაზაფხულზე მოდის წლიური ჩამონადენის თითქმის 48,1% ზაფხულზე – 32,4%, ზამთარში – 11,6%, შემოდგომაზე – 7,9%.

დახასიათება
სიგრძე 108 კმ
აუზის ფართობი 763 კმ²
წყლის ნაკადი
სათავე თრიალეთის ქედი
ჩაედინება მდინარე მტკვარში

ka.wikipedia.org

ანდაქი (მდინარე)

ანდაქი, ანდაქისწყალი, მდინარე დუშეთის მუნიციპალიტეტში, მდინარე არღუნის მარჯვენა შენაკადი. სიგრძე 18 კმ. აუზის ფართობი 272 კმ². სათავე აქვს კავკასიონის მთავარი წყალგამყოფი ქედის ჩრდილოეთ კალთაზე, მთა პატარა ბორბალოსთან (პირიქითი ხევსურეთი).

დახასიათება
სიგრძე 18 კმ
აუზის ფართობი 272 კმ²

ka.wikipedia.org

ამტყელი (მდინარე)

ამტყელი, მდინარე აფხაზეთის ავტონომიურ რესპუბლიკაში, სიგრძე 39 კმ, აუზის ფართობი 398 კმ². სათავე აქვს ჩხალთის ქედის დასავლეთ ნაწილში, ამტყელის უღელტეხილთან. ზემო დინება ტროგულ ხეობაში მიედინება, შემდეგ კი ღრმა და ვიწრო ხეობაში. ერთვის ამტყელის ტბას, საიდანაც მიწისქვეშა გზით გაედინება. ამტყელი (სიგრძე 10 კმ-მდე), რომელიც მდინარე კოდორის მახლობლად გამოდის მიწის ზევით, მარცხნიდან იერთებს მდ. ჯამპალს და იქვე ერთვის კოდორს.
ამტყელი საზრდოობს თოვლის, წვიმისა და მიწისქვეშა წყლებით. წყალდიდობა გაზაფხულზე და ზაფხულის დამდეგს იცის, წყალმცირობა – ზამთარში.

დახასიათება
სიგრძე 39 კმ
აუზის ფართობი 398 კმ²
წყლის ნაკადი
სათავე ჩხალთის ქედი
ჩაედინება ამყტელის ტბაში

ka.wikipedia.org

ალეურა

ალეურა, მდინარე ახალგორის მუნიციპალიტეტში, მდინარე ქსნის მარცხენა შენაკადი. სიგრძე 21 კმ, აუზის ფართობი 95 კმ². სათავე აქვს ალევის ქედის დასავლეთ კალთაზე საფერშეთის მთის მახლობლად. მიედინება ღრმა და ვიწრო ტყიან ხეობაში. საზრდოობს თოვლის, წვიმისა და მიწისქვეშა წყლით. წყალდიდობა – გაზაფხულზე, წყალმცირობა – ზამთარში.

დახასიათება
სიგრძე 21 კმ
აუზის ფართობი 95 კმ²
წყლის ნაკადი
სათავე ალევის ქედი
ჩაედინება მდინარე ქსანში

ka.wikipedia.org

აკუშოსხევი

აკუშოსხევი, მდინარე დუშეთის მუნიციპალიტეტში, მდ. ხევსურეთის არაგვის მარცხენა შენაკადი. სათავე აქვს კავკასიონის მთავარი ქედის სამხრეთ კალთაზე, დათვისჯვრის უღელტეხილის მახლობლად. სიგრძე 12, 8 კმ, აუზის ფართობი 34,9 კმ².

დახასიათება
სიგრძე 12.8 კმ
აუზის ფართობი 34,9 კმ²
წყლის ნაკადი
სათავე კავკასიონი
ჩაედინება ხევსურეთის არაგვში

ka.wikipedia.org

ავანისხევი

ავანისხევი, ავანი, მდინარე ყვარლის მუნიციპალიტეტში მდინარე ალაზნის მარცხენა შენაკადი. სათავე აქვს კახეთის კავკასიონის წყალგამყოფ ქედზე. სიგრძე 28 კმ, აუზის ფართობი 185 კმ². ზემო დინებამ დროდადრო ღვარცოფი იცის, ქვემო დინებამ – წყალმოვარდნა.
დახასიათება
სიგრძე 28 კმ კმ
აუზის ფართობი 185 კმ² კმ²

ka.wikipedia.org

ავადჰარა (მდინარე)

ავადჰარა, აუადჰარა, მდინარე აფხაზეთის ავტონომიურ რესპუბლიკაში, მდინარე ლაშიფსის მარჯვენა შენაკადი. სიგრძე 11 კმ, აუზის ფართობი 38 კმ2. სათავე აქვს აჯარის მთის სამხრეთ კალთაზე (კავკასიონის მთავარი წყალგამყოფი ქედი). ავადჰარის ჭალაში უმეტესად მურყნარია.
დახასიათება
სიგრძე 11 კმ
აუზის ფართობი 38 კმ²
წყლის ნაკადი
სათავე კავკასიონი
ჩაედინება ლაშიფსაში

ka.wikipedia.org