Tag Archives: იარაღი

უიარაღო ტაჯიკი მწყემსები და „MP3“ აგრესიული მტაცებლების წინააღმდეგ

mgeმტაცებელი ცხოველების წინააღმდეგ ბრძოლაში ტაჯიკი მწყემსების ერთ გონებამახვილურ მიგნებაზე გიამბობთ. თვითონ მივიდნენ ამ იდეამდე თუ საიდანმე შეიტყვეს, ვერ გეტყვით, მაგრამ ტაჯიკეთის ერთ სოფელში, რომელიც ავღანეთის საზღვართან მდებარეობს, მწყემსებმა, საერთოდ სოფლელებმა, ვისაც ცხვრები და თხები ან სხვა შინაური ცხოველები ჰყავს, ხელოვნური, ჩაწერილი ხმებით დაიწყეს მგლების და ასევე ტახების შემოტევათა მოგერიება. სოფელ ყავოყის მცხოვრები რამზიდინ ფაზლიდიენოვი გვიამბობს:

„ხან მგლების შემოსევაა, მთელი ხროვა დაგვესხმის ხოლმე თავს, ხან გარეული ღორების მთელი კოლტი გადაუვლის ხოლმე ჩვენს ბაღ-ბოსტანს და ანადგურებს.“

ფაზლიდიენოვმა და მისმა თანასოფლელებმა შეიძინეს ეს „ემ პი სამ პლეიერები“, სადაც ჩაწერილია ძაღლების ყეფა-ღრენის, სროლის ხმა და ხმის გამაძლიერებლების საშუალებით, რომლებიც ფარეხზე ან ხეებზეა დამაგრებული, აფრთხობენ აგრესორებს. ფაზლიდინოვი კმაყოფილია:

ისეთ სოფლებში, როგორიც ჩვენია, – გარშემო ტყე და რთული არეალია, – მუდამ გიწევს ბრძოლა ველურ ცხოველებთან. აქ გადარჩენისთვის თოფია საჭირო …
მეჰრინისო აჰმადოვა

„დიდი შეღავათია ამ აპარატის გამოყენება. მტაცებლები გვინადგურებდნენ ცხვარსა და თხას. ახლა მათ დასაფრთხობად თითქმის ყველა იყენებს „ემ პი სამ პლეიერს“, ამბობს ის და ბოლო ზარალს იხსენებს:

მხოლოდ ივნისის ბოლო კვირაში 23 ცხვარი მოიტაცეს ან მოსპეს მგლებმა. გლეხებს იმედი აქვთ, რომ სიახლე, ჩინეთში წარმოებული აპარატურის სახით, შეაძლებინებს მათ მოიგერიონ თავდასხმები. საქმე ისაა, რომ ტაჯიკეთში მთავრობამ ძალიან მკაცრად აკრძალა ყოველგვარი ცეცხლსასროლი იარაღი და თვით მწემსებსაც, რომლებსაც მართლაც თავდასაცავად სჭირდებათ თუნდაც სანადირო თოფები, მათი შენახვის უფლება ჩამოერთვათ იარაღთან ერთად. ყავოყელი დიასახლისი მეჰრინისო აჰმადოვა საბჭოთა პერიოდს იხსენებს, როცა სოფელში თითქმის ყველას ჰქონდა სანადირო თოფი და ნადირობის უფლება:

„ისეთ სოფლებში, როგორიც ჩვენია, – გარშემო ტყე და რთული არეალია, – მუდამ გიწევს ბრძოლა ველურ ცხოველებთან. აქ გადარჩენისთვის თოფია საჭირო.“

საბჭოთა კავშირის დაშლის შემდეგ ტაჯიკეთში სამოქალაქო ომი იყო. ყავოყი, სამხრეთ ტაჯიკეთის სხვა სოფლების მსგავსად, ბრძოლის ველად გადაიქცა. ადრე წყნარი სოფელი საქვეყნოდ გახდა ცნობილი, როცა იქ 1993 წლის 13 ივლისს 25 რუსი მესაზღვრე დახოცეს ოპოზიციონერებმა, ისლამისტმა მებრძოლებმა. ერთი წლის შემდეგ ტაჯიკეთის მთავრობამ მთელ ქვეყანაში იარაღი აკრძალა და დაიწყო მოსახლეობისთვის ყოველგვარი ცეცხლსასროლი იარაღის ჩამორთმევა. ყველას ჩამოართვეს სანადირო თოფებიც. მეორე ფაზა განიარაღებისა, რაც უკვე მთავრობასა და ტაჯიკეთის ოპოზიციურ ძალებს შორის სამშვიდობო შეთანხმებას მოჰყვა, 1997 წელს დაიწყო. ომი დასრულდა, მაგრამ იარაღის აკრძალვა ძალაში დარჩა. სოფლის მთელი მოსახლეობა, ისევე როგორც ყავოყელები, იარაღის გარეშეა დარჩენილი. მაჰმად რაჰიმი, სოფლის მცხოვრები, ამბობს, რომ უშიშროების სამსახური ხანდახან რეიდებს აწყობს სოფლებში და კვლავ იარაღს ეძებს. გარემოს დაცვის რეგიონალური სამსახურის უფროსის, ამირყულ ჯურაევის თანახმად, გარეული ღორებისა და მგლების არნახულმა გამრავლებამ ხელისუფლებას უბიძგა გაეუქმებინა მათზე ნადირობის, ანუ მათი ხოცვის, აკრძალვა. ნადირობა დაშვებულია, მაგრამ რითი? ამ ეტაპზე „ემ პი სამ პლეიერებს“ ვხმარობთ და ჯერჯერობით მოქმედებს, მაგრამ ცხოველები ადრე თუ გვიან მიხვდებიან, რომ ეს აპარატები მათ ზიანს ვერ მიაყენებს და მერე უკვე აღარაფერი გვეშველებაო, შიშობენ ტაჯიკი მწყემსები.

უსაფრთხოების ოთხი ოქროს წესი

usafrtxoeba
უსაფრთხოების ოთხი ოქროს წესი:

1. ყოველთვის ჩათვალეთ რომ იარაღი დატენილია

2. იარაღი მიმართეთ უსაფრთხო მხარეს

3. თითი მოაცილეთ სასხლეტს

4. გადახსენით იარაღი და შეამოწმეთ სავაზნეები

უსაფრთხოების სხვა წესები:

1. საკუთარ იარაღზე კანონის წინაშე მხოლოდ თქვენ ხართ პასუხისმგებელი

2. იარაღი და ტყვია-წამალი შეინახეთ უსაფრთხო ადგილას, უცხოებისთვის და ბავშვებისთვის ხელმიუწვდომლად.

3. შენახვისას იარაღის სასხლეტი ბლოკირებული უნდა იყოს სპეციალური საკეტით. იარაღი უნდა ინახებოდეს საკეტის მქონე კარადაში ან ყუთში.

4. იარაღი დატენეთ მხოლოდ სანადირო სექტორში.

5. არ მიიღოთ და არც სხვას არ გადასცეთ დატენილი იარაღი.

6. არ მიაყრდნოთ იარაღი მანქანას, ხეს ან სხვა საგანს.

7. ბარიერზე გადასვლისას ჯერ გადახსნილი იარაღი გადადეთ (მიწაზე) და მერე თქვენ გადადით.

8. კარგად შეაფასეთ სამიზნე სროლამდე. არ ისროლოთ სილუეტის, ან გაურკვეველი ხმის მიმართულებით.

9. იარაღის დატენვამდე შეამოწმეთ ლულები (განსაკუთრებით ზამთარში, როცა ლულაში თოვლის მოხვედრის შესაძლებლობაა).

10. თუ ვაზნამ გიმტყუნათ, არ გადახსნათ იარაღი 5 წამის განმავლობაში (შესაძლებელია ვაზნის ნაგვიანები გავარდნა).

11. თოფის გადახსნისას სავაზნეები მიმართე უსაფრთხო მიმართულებით და არა შენსკენ.

12. გამოიყენეთ მხოლოდ ამ იარაღისთვის განკუთვნილი ვაზნები (მონაცემები ნახეთ ლულაზე ან იარაღის პასპორტში).

13. არ ენდოთ დამცველ ღილაკს. ისევე როგორც ნებისმიერი მექანიზმი, დამცველიც შეიძლება მწყობრიდან გამოვიდეს და უკონტროლო გასროლა მოხდეს.

14. კარგად დაათვალიერე სივრცე რომელიც სამიზნის უკანაა.

15. წყლის ზედაპირმა ან სხვა მყარმა საგანმა შეიძლება მიმართულება შეუცვალოს ტყვიის (საფანტის) ტრაექტორიას.

უნიკალური Cosmi

Untitled 23
ალბათ საინტერესო იქნება გავაცნო ჩვენ მონადირეებს ძალიან საინტერესო თოფი რომელიც იწარმოება იტალიაში  ქალაქ ანკონაში სახელწოდებით  კოზმი. როდოლფო კოზმი დაიბადა  1873 იტალიაში ქალაქ მაჩერატაში. კოზმი ახალგაზრდობაში დაკავებული იყო ხის დამუშავებით  და ნადირობით. 17 წლის კოზმიმ პირველად შექმნა თავისი პირველი თოფი. 1895 წელს დაარსა თავისი ფირმა. მე-19 საუკუნის ბოლოს როცა გამოჩნდა ლეგენდალური კონსტრუქტორის ბრაუნინგის ნახევრად ავტომატური თოფი,  კოზმის ყურადღებაც მიიქცია. 1907 წელს კი შექმნა თავისი ორიგინალური თოფის პროტოტიპი, რომლის ავტომატიკის მუშაობის პრინციპი აღებული იყო ბრაუნინგის ნახევრად ავტომატური თოფიდან. კოზმიმ პატენტი მის გამოგონებაზე მიიღო  მხოლოდ1920 წელს, მანამდე კი ხვეწდა  თოფის სიტემას.
Untitled 27
1925 წელს კოზმიმ საბოლოოდ  ხელით შექმნა თავისი ორიგინალური თოფი რომლის წარმოებაც გაგრძელდა მის გარდაცვალლებამდე. 1936 წ   გარდაიცვალა როდოლფო კოზმი. მამის საქმე გააგრძელეს შვილებმა ამერიკომ და მარჩელომ. დღეს დღეობით კი ფირმას ხელმძღვანელობს შვილიშვილი „როდოლფო კოზმი“.  კოზმი  ითვლება საუკეთესო ნახევრად ავტომატურ თოფად მსოფლიოში.   მასში შერწყმულია  შესრულების  ხარისხი, ექსკლუზიური დიზაინი და მექანიზმის უტყუარი მუშაობა, რომლის შექმნაშიც მიღებული აქვს მონაწილეობა მაღალი კლასის ოსტატებს. კოზმის შექმნაში იხარჯება 200 საათი მარტო ხელით შრომა, რაც მიუთითებს თოფის მაღალ ხარისხზე. 70 წელიწადია კოზმის სიტემა არ შეცვლილა. ერთი შეხედვით არაფრით გამოირჩევა ძვირად ღირებული ჩვეულებრივი გადსახსნელი  ერთ ლულიანი თოფისაგან, მაგრამ მაინც იგრძნობა მისი არაჩვეულებრივობა.

Untitled 24დამრტყმელ სასხლეტი მექანიზმი

როდოლფო კოზმიმ თავის თოფში გააერთიანა სამი იდეა. ავტომატოკის მუშაობის პრინციპი აღებული „ჯონ მოზეს  ბრაუნინგის“ ავტო-5-დან მოძრავი ლულის უკუცემის პრინციპი,  მილისებური მჭიდი, რომელიც განათავსა  კონდახში,  ამ იდეის  ავტორი იყო „ქრისტოფორე სპენსერი“.  მესამე იდეა კი ლულის  კოლოფის ზედა ურდული,  რომლის მეშვეობითაც ხორციელდება   თოფის გადახსნა. იდეა  ეკუთვნის  ცნობილ ფრანგ კონსტრუქტორს „კაზიმირ ლეფოშეს,“ რომელმაც თავისი გამოგონება დააპატენტა 1832 წელს. კოზმიმ არა თუ გადმოიღო იდეები არამედ გადააკეთა  და შერწყა სამივე  ერთად, რასაც დაამატა  ხელით დეტალების ურთიერთ მორგების უბადლო შესრულების  ხარისხი, რითაც  მიიღო ავტომატიკის მუშაობის ყველასაგან განსხვავებული პრინციპი,  ორიგინალური დიზაინი და  შესანიშნავი  ბალანსი.  მისი მექანიზი ისეა მორგებული ერთმანეთთან რომ მასში  მტვერი და წყალი პრაქტიკულად ვერ აღწევს. კოზმის თოფი შეიძლება მართლაც ჩაითვალოს  უნიკალურ  თოფად ნახევარ ავტომატურ თოფებს შორის.   კოზმი აწარმოებს 100 ცალ თოფს წელიწადში.

Untitled 25ჩაკეტილი და გახსნილი საკეტებით

70 წლის განმავლობაში კოზმიმ  გამოუშვა 8000 ცალი თოფი. ყველაზე იაფი  კოზმის თოფი ღირს  10 000 დოლარი. თოფის დასამზადებლად განოიყენება მაღალი ხარისხის მასალები, დაწყებული ხიდან დამთავრებული მეტალამდე, ლულა დამზადებულია  ( BOEHLER ANTINIT  ავსტრიული უჟანგავი ფოლადი)   „ბიოლერ-ანტინიტ“-ის ფოლადისაგან. ლულის კალაპოტს  1990 წლიდან  აკეთებენ ტიტანისაგან, (თუ სურვილი ექნება დამკვეთს) რაც დადებითად მოქმედებს მის წონაზე. თოფის მუშაობის პრინცი, როგორც ავღნიშნეთ აღებულია ბრაუნინგიდან,  მოძრავი ლულის უკუ ცემის პრინციპი. ლულის გადახსნის შემდეგ ვაზნა იდება ლულის სავაზნეში, მილისებური მჭიდის შევსება , რომელიც განთავსებულია  კონდახში   ხორციელდება ლულის კალაპოტის შიგა წინა  ფსკერიდან კონდახის მიმართულებით,  ტევადობა შეადგენს  8 ვაზნას.  კოზმის ყველა წარმოებული თოფი ინდივიდუალური შეკვეთით იწარმოება და ყოველი შექმნილი თოფი განუმეორებელია. როგორც ყველა თოფს აქვს როგორც დადებითი ასევე უარყოფითი თვისებები. კრიტიკოსები მიიჩნევენ რომ მილისებური მჭიდი, რომელიც მოთავსებულია კონდახში  მდებარეობს თავთან ახლოს და  ტექნიკური უსაფრთხოების  კუთხით მჭიდში ვაზნის აფეთქების  (ვაზნის აფეთქებას ჰქონდა ადგილი, როგორც  მც-ში ასევე ბრაუნუნგში)  შემთხვევაში მსროლელსთვის წარმოადგენს დიდ საშიშროებას. 70 წლის მანძილზე კოზმში ეს არ მომხდარა, ალბათ არც მოხდება, მაგრამ ალბათობა არის.  რომ გადავხედოთ ცნობილი ბრენდების თოფებს, უმრავლესობის პროტოტიპების კოპირებას აწარმოებს მრავალი ფირმები. ეს ტენდეცია გავრცელებულია მთელ მსოფლიოში, მაგრამ კოზმის თოფს   მისი სისტემის და ავტომატიკის მუშაობის პრინციპიდან  გამომდინარე  კოპირების  საშიშროება არ ემუქრება. კოზმი რჩება ერთ ერთ კლასიკურ მოდელად რომელსაც მსოფლიოში ანალოგი არა აქვს!..

gorda.ge

Untitled 19 Untitled 18 Untitled 6
Untitled 7 Untitled 17 Untitled 12
Untitled 8 Untitled 9 Untitled 15

Untitled 31

 

Winchester Model 21


Winchester Model 21 არის ორლულიანი სანადირო იარაღი, ლულების ჰორიზონტალური განლაგებით. გამოდიოდა 1931 -1960 წლებში. სპეციალური შეკვეთით 1993 წელს.

ტიპი: ორლულიანი სანადირო იარაღი (ჰორიზონტალური ლულების განლაგებით)

ქვეყანა: აშშ

კომპანია: Winchester Arms

გამოშვების წლები: 1931 – 1960 (1993)

ეგზემპლარი: 30 000

კალიბრი : 12,16,20,28 და .410 bore

გამოშვების რაოდენობის სიმცირის მიუხედავად გამოდიოდა სხვადასხვა კალიბრით. როდესაც რაოდენობამ 30 000 იაღწია იარაღის წარმოება შეჩერდა. მხოლოდ 1993 წელს სპეციალური დაკვეთით განაახლეს მუშაობა.

ეს იარაღი უფრო პრესტიჟული იყო ვიდრე ზუსტი და სანდო. ამიტომ ეს იარაღი ადვილად დაჩრდილა სხვა სანადირო იარაღებმა რომლებიც დიდი რაოდენობით იწარმოებოდა.

ნახევარზე მეტი გაიყიდა მხოლოდ ამერიკაში დანარჩენი კი იაპონიაში, რუსეთში და დას.ევროპის ქვეყნებში.

hunters.ge

დოკუმენტური ფილმი: სიჩქარე-სასიკვდილო იარაღი

ფილმის შესახებ
დასახელება: სიჩქარე-სასიკვდილო იარაღი. Скорость – смертельное оружие / Killer Instincts: Speed
წელი: 2003
რეჟისორი: ენდი მიტჩელი
ქვეყანა: შეერთებული შტატები
თარგმანი: პროფესიონალური
ჟანრი: დოკუმენტური

ატვირთულია: Monadire.Com (გადმოწერის სიჩქარე შეუზღუდავი)

გამომშვები: National Geographic
ხანგრძლივობა: 00:47:02
თარგმანი: პროფესიონალური (odnogolosy)
ზომა: 699,52 Mb

ფაილი:
ფორმატი: AVI
ხარისხი: DVDRip
ვიდეო: 720×544 (1.32:1), 25 fps, XviD build 50 ~3706 kbps avg, 0.38 bit/pixel
ხმა: 48 kHz, AC3 Dolby Digital, 3/2 (L,C,R,l,r) + LFE ch, ~448.00 kbps avg

ფილმის გადმოსაწერი ბმული:

ჩამოტვირთვა

გადმოწერა ჩვენი საიტიდან

თუ გსურთ ფილმის გადმოწერა, ორიგინალ ხარისხში საყურებლად (შეგახსენებთ, ონლაინში საყურებლად ფილმის ხარისხი დაწეულია) მაშინ გადმოწერეთ შეუზღუდავი სიჩქარით პირდაპირ ჩვენი საიტიდან, ხოლო თუ გინდათ პირდაპირ აქ უყუროთ, მაშინ ჩართეთ ვიდეო ფლეიერი.

[wposflv src=http://www.download.monadire.com/Films/sichqare_sasikvdilo_iaragi_Skorost_smertlnoe_oruzhie_MonadireCom.flv width=480 height=350title=""]

ფილმის გადმოსაწერი სხვა ბმულები
გადმოწერა – letitbit.net

тоз-120; ტოზ-120; TOZ-120



12 ყალიბის ორლულიანი თოფი тоз-120
ეს არის იარაღი ვერტიკალურად შეწყვილებული ლულებით, რომელიც განკუთვნილია რეწვისა და სამოყვარულო ნადირობისათვის. 2000 წლის მოდელი შემუშავებულია тоз-91-ის ბაზაზე სტარუხინის ხელმძღვანელობით. საბაზო მოდელისაგან შენარჩუნებულია კვანძები, რომლებმაც კარგად წარმოაჩინეს თავი ექსპლოატაციაში.

საფუძვლიანად გადამუშავდა სასხლეტ-დამცემი მექანიზმი(ერთ სასხლეტზე): ახლა ის აღჭურვილია სროლის რიგითობის დამოუკიდებელი სელექტორული გადამრთველით, რომელიც გაერთიანებულია მცველის ღილაკთან.
ლულები საცვლელი 710 ან 750მმ სიგრძის, რომელიც კალაპოტს უერთდება ლულის კაუჭით, საყრდენი ღერძით, ტიბჟირითა და საკეტი ბერკეტით. ლულის არხები ქრომირებულია, შევიწროებები შეიძლება იყოს 0,0მმ, 0,25მმ, 0,5მმ, 0,75მმ და 1,0მმ.

დამცემი მექანიზმს გააჩნია შემყენებლების დამცავი, რომელიც გამორიცხავს შემთხვევით გასროლას; აგრეთვე იწარმოება ორსასხლეტიანი მექანიზმიც.
კონდახი და ტიბჟირი კაკლის. საერთო სიგრძე1180მმ, მასა_3,4კგ.

მწარმოებელი ქარხნის გეგმებში არის გამოუშვას ლულები, რომელშიც ერთი ლულა ჩოკი იქნება, ხოლო მეორე ე.წ. ,,პარადოქსი” და აღნიშნული იქნება სახსნელი ვარიანტი ან არამოსახსნელი ანუ ლულა ,,პარადოქსი”. ექსპერიმენტული მოდელის მისროლამ აჩვენა(35 მეტრზე)საფანტის განივი განლაგება 15-20მმ.

ფორუმზე განხილვა


ფაბარმი – FABARM

Fabarm შედარებით ახალგაზრდა ფირმაა, რომელიც მდებარეობს ქალაქ ტრავალიატოში. თუმცა მისი პროდუქცია, თავისი ხარისხით, დიდად არ ჩამოუვარდება ბერეტას, ბრაუნინგს, ბინელის და სხვა გარანდებს. Fabarm-ი იმიჯის ზრდასთან ერთად ზრდის თავის ასორტიმენტსაც.
ეს ფირმა ადრე მუშაობდა ბერეტასა და ბინელზე, ასეთმა სკოლამ უკვაკოდ არ ჩაიარა.

გალეზების გვარის ფირმა მეორე მსოფლიო ომამდე მდებარეობდა ბრეშიაში და ორიენტირებული იყო რამდენიმე ტიპის ბაბრძოლო იარაღის წარმოებაზე.

ომის დამთავრების შემდეგ საერთაშორისო შეთანხმების საფუძველზე ევროპის ბევრ ფირმას ჩამოერთვა სამხედრო იარაღის წარმოების უფლება და ფაბარმიც გადადის გლუვების წარმოებაზე. 1956 წლიდან ფირმამ დაიწყო მუშაობა მცირე ასორტიმენტით. მეოცე საუკუნის ბოლოსათვის მას გააჩნდა სრულიად ახალი საწარმოო ბაზა, ამჟამად უშვებს სამი ძირითადი კლასის_ ორლულიანების, თვითდამტენებისა და პომპების დიდ ასორტიმენტს. დღეისათვის მისი ნაწარმი ცნობილია მთელი მსოფლიოსათვის, მიუხედავად მძაფრი კონკურენციისა. ყოველგვარი გადაჭარბების გარეშე შეიძლება ითქვას, რომ დღეს Fabarm გახდა განთქმული კომპანია, რომელიც უშვებს ხარისხიან და შედარებით იაფ პროდუქციას.
ექსპერტების აზრით, ამ ფირმის პროდუქცია ცნობადობის ზრდასთან ერთად აუცილებლად გაძვირდება.

Fabarm S.p.A._ ერთ-ერთი ფირმაა, რომელიც თოფის ყველა დეტალს თვითონ(თავის ფირმაში) აკეთებს. გარდა ამისა თავად უშვებს სხვადასხვა აქსესუარებს: კრონშტეინებისა და ოპტიკებიდან დაწყებული სანადირო ტანსაცმლით დამთავრებული.
ფირმას აქვს დამოუკიდებელი მიღწევებიც, როგორიცაა ლულათა ორიგინალური გაბურღვის პროფილი Fabarm Tribore Barrel System და Fabarm Tribore Barrel System, რომელთა შედეგად გაზრდილია ჭრა, სიბურჯღლე და დაჯგუფება.
ლულები მონობლოკებია და მზადდება 42СгМо4 მარკის ფოლადისაგან, არხები ქრომირებულია.

კიდევ ერთი დამოუკიდებელი მიღწევაა ლულების კომპლექტაცია სახსნელი მოწყობილობების 4 ტიპით:ა) სახსნელი მოკლე ჩოკები(0-დან 1,0-მდე) ბ) 1,5-სმ-იანი დამაგრძელებლები სტენდისათვის(8 ჩოკის ჩათვლით), გ) დამაგრძელებლები 3; 5; 7,5; 10 და 12 სანტიმეტრი სიგრძითა და ამასთან ერთად 4,5სმ-იანი ხრახნილი ჩოკი; დ) პომპებისათვის 6 ცალი ლულის კომპლექტი(სახსნელი ჩოკებით).

ლულათა სიგრძის მიხედვით თოფების მასა მერყეობს 2,65-დან 2,85კგ-მდე, რაც ხარისხიანი მსუბუქი შენადნობების დამსახურებაა. მცირე მასიდან გამომდინარე, დიდმუხტიანი ვაზნების სროლისას დისკომფორტის აღმოფხვრის მიზნით, კონსტრუქციებში დატანებულია ბუფერული სისტემა, რომელიც ნახევარავტომატურებში ამცირებს საკეტისა და ლულის, ფიქსირებული და მოძრავი მექანიზმების უკუცემას.

ამ ფირმის სახელგანთქმული მოდელებია: თვითდამტენები გაზის უკუქცევაზე Н368 Super Goose, Н368 Hunter 610, 660, 710, 760 და 900მმ სიგრძის ლულებითა და 12/76 სავაზნით(მჭიდის ტევადობაა 3, 6 ან 8 ვაზნა); ლულების ჰორიზონტალური განლაგებით Nobile, Beta Classis, Lion, რომლებსაც აქვთ ოპტიმალური ბალანსი და საუკეთესო დაჯგუფება.

ვერტიკალურებში განთქმულია Alpha 12/76 სავაზნითა და 660, 710, 760მმ სიგრძის ლულებით(განსაკუთრებით დახვეწილია მათი კონდახები), აგრეთვე Gamma, Max Field და Le LYS. ახალი მოდელია Axis 20/76 610, 660, 710 და 760მმ სიგრძის ლულებით.

განსაკუთრებით აღნიშვნის ღირსია Fabarm-ის ნაკეთობათა ზედაპირების დამცავი ფენა PVD Titanium, რომელიც შემუშავებული იქნა 2003 წელს. ამ ტექნოლოგიით დამუშავებული ლითონის ზედაპირი უძლებს აგრესიულ ნივთიერებათა ზემოქმედებას ძალიან დიდი ხნის განმავლობაში. ტესტირებამ 1500 საათის განმავლობაში აჩვენა საუკეთესო შედეგები.

ფორუმზე განხილვა

Auguste Francotte

Auguste Francotte -ის პოპულარობა და პრესტიჟულობა საყოველთაოდაა ცნობილი. ეს ფირმა ყოველთვის ამართლებდა მონადირეთა იმედებს და დაიმსახურა დიდი სიყვარული. მან მსოფლიო აღიარებას მიაღწია XIX საუკუნის ბოლოს. ამ ბელგიურმა ფირმამ საცალო და შეკვეთილი იარაღის ჰარმონიულობა გადაიტანა სერიულ ნაწარმზე, ხოლო ბალისტიკური მაჩვენებლებით Auguste Francotte-თან კონკურირებს მხოლოდ რამდენიმე მსოფლიო მნიშვნელობის ფირმა.
1799-1805 წლებში ჟოზეფ ფრანკოტმა ააგო ლიეჟში ,, პორტატული იარაღის ფაბრიკა”. თავდაპირველად ჟ. ფრანკოტი შეუდგა სამხედრო ნაწარმის გამოშვებას, მაგრამ შემდეგ სანადირო თოფებზე გადავიდა.
ფრანკოტების ოჯახი განსაკუთრებით სახელგანთქმული გახდა ორლულიანი შტუცერებით. გლუვების წარმოება დაიწყო მე-19 საუკუნის 70-იან წლებში და სწორედ ამ დროიდან მიიღო სახელი Auguste Francotte.
სახელი ავგუსტი ერქვა ამ გვარის ბევრ წარმომადგენელს, თუმცა ,,ავგუსტ ფრანკოტი” ასოცირდება არა პიროვნებასთან, არამედ ფირმასთან.

მეოცე საუკუნის 60-70 წლებში 300-მდე ბელგიური ფირმიდან გადარჩა მხოლოდ რამდენიმე, მაგრამ Auguste Francotte-მ კარგი მენეჯმენტისა და ახალი ინოვაციების წარმოებაში უსწრაფესი დანერგვის გამო, მოდისა და ტრადიციების მშვენიერი შეთანაწყობის მეშვეობით მოახერხა გადარჩენა და განვითარება. ამასთან ერთად იარაღს აწარმოებდნენ ხარისხიანად, დიდი რაოდენობით და რაც მთავარია იაფად.
საბჭოეთში ოქტომბრის რევოლუციისა და შემდგომ 1941 წლის ზამთარში НКВД-ს (შინსახკომი) მიერ ათასობით რეგისტრირებული ფრანკოტი(და არა მარტო ამ ფირმის ნაწარმი) იქნა ჩამორთმეული და გადადნობილი. აი ვანდალიზმი და ცინიზმი!!!
რევოლუციამდელ კატალოგებში მოცემულია ფრანკოტის 30-მდე სახვადასვა მოდელი, ყველაზე იაფიდან დაწყებული, შედევრებით დამთავრებული, რომლებიც მაშინაც კი რამდენიმე ათასი ღირდა.
XX საუკუნის დასაწყისში ჩახმახიანებს თანდათან ცვლიან უჩახმახოები. პირველ მსოფლიო ომამდე ფირმა უშვებდა სერიულ თოფებს წონით 2,5-დან 3,1 კგ-მდე 12, 16 და 20 ყალიბისა. ისინი იყვნენ აღჭურვილი ,,ენსონ-დილის” საკეტებით(სამმაგი), პერდეს ჩარჩოთი და გრინერის ჭანჭიკით.
თოფები გამოდიოდა როგორც ექსტრაქტორებით ასევე ეჟექტორებით. ფრანკოტებს გააჩნდათ ერთ-ერთი თავისებურება, რაც მდგომარეობდა იმაში, რომ მათ ლულებში შევიწროების ზონა(ლულის მონაკვეთი სადაც ხდება შევიწროება) ძალიან გრძელი იყო(100-120მმ), რასაც ლულის პირამდე 5-10მმ მანძილზე ემატებოდა დამატებითი(ნაკლები სიმკვეთრის) შევიწროება. ამიგად ჩოკები ორსაფეხურიანი იყო. შესაბამისად 1,0-1,2მმ შევიწროების პირობებში ასეთ ორლულიანებს გააჩნდათ ფანტასტიური სიბურჯღლე მსხვილ საფანტში.

ლულების არხები და სავაზნეები მზადდებოდა ცოტათი უფრო ვიწრო, რაც იარაღს მატებდა სიმკვეთრეს(ჭრა). აღსანიშნავია, რომ ასეთი თოფებიდან უნდა გასროლილიყო ვაზნა ცოტათი შემცირებული დოზებით.
საშუალო კლასის თოფებთან ერთად ფრანკოტი უშვებდა უმაღლესი კლასის თოფებს, რომლებიც იწონიდნენ(12 ყალიბი) 3.1-3,3კგ-ს. მათი ლულები დამზადებული იყო ძვირფასი ინგლისური ფოლადისაგან. მათი ფასი 500-700 ოქროს რუბლი ღირდა.
30-იანი წლებიდან Auguste Francotte-მა უარი თქვა იაფფასიანი პროდუქციის წარმოებაზე და გადავიდა ძვირფას შეკვეთებზე.
მეოცე საუკუნის 60-70-იანი წლების შემდგომი პერიოდი გარკვეულ ეკონომიკურ სიძნელეებთან იყო დაკავშირებული, თუმცა ფირმამ საკუთარი სახე შეინარჩუნა. 1998 წელს გაკოტრების პირას მისული კომპანია ჰოლანდიელმა ტომ დერკსენმა შეიძინა. მან გადაიარაღება მოახდინა და უახლესი ტექნოლოგიებით აღჭურვა ის.
დღეს ეს ფირმა საკმაოდ მოკრძალებულია(გიგანტებთან შედარებით) თავის მასშტაბებში, მაგრამ უშვებს უძვირფასეს ნაკეთობებს. ვერტიკალურებს, ჰორიზონტალურებს, ხრახნილებს(მხოლოდ ერთეულ ეგზემპლიარებს).
ყველა ამჟამად წარმოებაში მყოფი თოფი არის ხელოვნების ნიმუში გრავიურაში ხომ საერთოდ არაფერია ზედმეტი.
ამ ფირმის თოფებს უკვეთავენ ძირითადად მახალჩინოსნები, კოლექციონერები და ცნობილი მონადირეები საფრანგეთიდან და აშშ დან. ძველი (ნახმარი) ფრანკოტებიც ძალიან დიდი მოთხოვნილებით სარგებლობენ.

ვერტიკალურებს შორის აღსანიშნავია უნიკალური იარაღი(უნდა აღინიშნოს რომ ანალოგიურ ,,ვერტიკალს” F. Dumoulin & С It Liege ფირმაც აწარმოებდა). ესაა ბოკფლინტი Superbritte, რომელსაც სახელი ქვია მისი გამომგონებლის თეოფილე ბრიტის საპადივცემულოდ( 1931 წლის პატენტი). მას გააჩნია ვერტიკალური სახსრის საყრდენი ჭანჭიკი, ამის გამო ვაზნების ჩასაწყობად ლულა უნდა მობრუნდეს გვერდზე მარჯვნივ. ამ ძალიან ელეგანტურ ორლულიანს აქვს ყველაზე დაბალი კალაპოტი ვერტიკალურებში. ის აღჭურვილია გამორთვადი ეჟექტორით. საკეტის მესამე ელემენტი წარმოდგენილია კონუსური ჭანჭიკის სახით, რომელიც მეტალის ცვეთასთან ერთად სულ უფრო ღრმად ჩადის ჭრილში, რაც ფაქტიურად გამორიცხავს ჟამთასვლის შედეგად ლულების რყევას. თოფი ეკუთვნის სუპერმსუბუქ თოფების კლასს და ძალიან კარგად არის დაბალანსებული. ლულის 70 სიგრძის პირობებში 12 ყალიბის წონა არ აღემატება 2,9 კგ-ს; 16 ყალიბის პირობებში 2,7 კგ-ს, ხოლო 20 ყალიბისას კი 2,6 კგ-ს.

ფორუმზე განხილვა

Boss & Co

ელიტარულ ინგლისურ ფირმათა შორის ერთ-ერთი გამორჩეულია Boss & Co.. ამ ფირმაში გამოგონებული, დაყვანილი და გაუმჯობესებული საკეტი სისტემები, სასხლეტ-დამცემი მექანიზმები და ლულები დღესაც საუკეთესოდ ითვლებიან. ლულათა ვერტიკალურ წყობას და ერთ სასხლეტს საფუძველი აქ ჩაედო და დღემდე კლასიკად წარმოდგება მნახველისათვის.
ფირმის დამაარსებელი თომას ბოსი დაიბადა 1790 წელს მეიარაღის უილიამ ბოსის ჯახში, რომელიც თავის მხრივ ჯოზეფ მენტონის საწარმოში მუშაობდა(ჯოზეფ მენტონს სამშობლოში დღესაც ყველა დროისა და ერის პირველ მეიარაღედ მოიხსენიებენ).
ჭაბუკმა თომასმა 14 წლის ასაკში დაიწყო მამისაგან ხელობის შესწავლა. მამის სიკვდილის შემდეგ კი უშუალოდ ჯოზეფ მენტონთან გააგრძელა სტაჟირება. 1812 წლიდან შემდგომი 4 წელი ამავე საწარმოში მუშაობდა.
მართალია Boss & Co ფირმის დაარსების თარიღად 1812 წელია მიჩნეული, მაგრამ თომას ბოსმა უშუალოდ თავის ფირმაზე მუშაობა 1830 წლიდან დაიწყო.
მენტონთან მუშაობის პერიოდში თომას ბოსი დიდ მეიარაღედ ჩამოყალიბდა. 1817 წლიდან ის უკვე ჯეიმს პერდეს თოფების აწყობაზე მუშაობდა(შეგახსენებთ, რომ პერდეც მენტონის მოსწავლე იყო). თომას ბოსი წელიწადში საშუალოდ 50- 75 თოფს აწყობდა.

თომას ბოსის სიკვდილის შემდეგ მისმა ქვრივმა ფირმის მმართველად მოიყვანა სტეფენ გრანტი, რომელიც თავისი ოსტატობითა და ამბიციებით არაფრით ჩამოუვარდებოდა ფირმის დამაარსებელს. გრანტის მმართველობისას ფირმის საქმეები კიდევ უფრო წარმატებით განვითარდა. 1872 წლიდან ფირმას სათავეში ჩაუდგა ედუარდ ჯეიმსი, შემდგომ ედუარდ ფილდს პადისონი.
ახალი სისხლის გადასხმის ეფექტი ჰქონდა ფირმაში 1891 წელს ჯონ რობერტსონის მოსვლას. ეს მართლაც უნიკალური პიროვნება იყო, რომელიც სხვადასხვა დროს ისეთ კორიფეებთან მუშაობდა, როგორებიცაა ჯოზეფ ვიტვორტი, ვესტლი რიჩარდსი, ჯეიმს პერდე უმცროსი, ჰენრი ჰოლანდი, სტეფენ გრანტი, ჯოზეფ ლანგი, ჰენრი აკტინი, უილიემ ევანსი, ჯონ რიგბი…
ჯონ რობერტსონის სახელთანაა დაკავშირებული ფირმა ,,ბოსის” აღზევება. ჰორიზონტალურის ვერტიკალურად ტრანსფორმაცია სწორედ რობერტსონმა მოახდინა 1909 წელს. მას მოუწია ერთდროულად ტექნიკური და ესთეტიური პრობლემების გადაწყვეტა და ბრწყინვალედ გაართვა ამას თავი.

მე-19 საუკუნის ბოლოს ინგლისელმა მეიარაღეებმა დაიწყეს ერთსასხლეტიან მექამიზმზე მუშაობა სპორტული თოფებისათვის. მათი აზრით ერთ სასხლეტს(ორიანთან შედარებით) გააჩნია რიგი უპირატესობებისა:
ა)მეორე( შემდგომი) გასროლა შესაძლებელია უფრო ჩქარა.
ბ)გამოირიცხება საჩვენებელი თითის დაზიანება თოფის უკუცემისას წინა სასხლეტ კავზე.
გ)არ ქმნის უხერხულობას ხელთათმანის გამოყენება.
ამ სასხლეტების ექსპლოატაციისას გამოვლინდა ერთადერთი ნაკლი_ მსროლელს, რომელიც დიდი ხნის განმავლობაში გამოიყენებს ერთსასხლეტიან იარაღს, უჭირს ორსასხლეტიანზე(ორკავიანზე) გადასვლა.
მე-19 და მე-20 საუკუნის განმავლობაში ინგლისელმა კონსტრუქტორებმა დააპატენტეს 100-ზე მეტი ერთსასხლეტიანი მექანიზმი. თუმცა ჩვენს დრომდე ყველა მათგანს არ მოუღწევია(იგულისხმება პატენტი და არა მექანიზმი). ერთსასხლეტიანი სისტემა არის სელექტორული და არასელექტორული. სელექტორული სისტემა გულისხმობს ლულების თანმიმდევრობის გადამრთველს.
ყველაზე განსაკუთრებულად ამ სისტემებს შორის ითვლება Boss & Co -ის ერთსასხლეტიანი მექანიზმი.
1894 წლის ნოემბერში ჯონ რობერტსონმა(ის Boss & Co -ის თანამფლობელი იყო) დააპატენტა არასელექტორული ერთსასხლეტიანი მექანიზმი( პატენტის № 22.894 26 ნოემბერი 1894 წ), რომელსაც გააჩნია 3 საფეხური. სასხლეტ კავზე პირველი დაჭერისას მოქმედებაში მოდის მარჯვენა(ქვედა) ჩაქუჩი, მეორე დაჭერისას ჩაქუჩის დაცემა არ ხდება ანუ არის ნეიტრალური და ბოლოს, მესამე დაჭერას მოქმედებაში მოჰყავს მარცხენა(ზედა) ჩაქუჩი.

აღნიშნული სისტემა ყველა სხვა ანალოგიური სისტემისგან განსხვავებით საუკეთესოდ ითვალისწინებს ე. წ. ,,ადამიანის ფაქტორს”, კერძოდ, პირველი გასროლისას უკუცემის შემდეგ თოფი ბრუნდება საწყის პოზიციაში ანუ მიდის ისევ წინ. სწორედ ამ დროს საჩვენებელი თითი აგრძელებს მოძრაობას უკან და ხშირად ხდება მეორე გაუთვალისწინებელი დაჭერა სასხლეტ კავზე_ შესაბამისად გასროლაც. სამსაფეხურიანი ერთსასხლეტიანი სისტემის დროს სასხლეტ კავზე მეორე დაჭერა არის ,,ფუჭი”, ამიტომ გამორიცხულია შემთხვევითი გასროლა.
1898 წლის მაისში რობერტსონმა დააპატენტა მისი სამსაფეხურიანი სისტემის გაუმჯობესებული ვარიანტი, რომელიც გულისხმობდა სელექტორულ გადართვასაც.

ფორუმზე განხილვა

Huglu 104A

ჰუგლუ – ეს არის ქალაქი მდიდარი თავის მეტალურგიით, რომელიც უკვე 4 საუუნეა ითვლება თურქეთში ცენტრალურ საიარაღო ქალაქად, როგორც „ზული“ საიარაღო ქალაქად გერმანიაში. 1962 წელს ჰუგლუს ოსტატებმა შექმნეს სამონადირეო იარაღის „Huglu“-ს გაერთიანება, რომლის წარმოება განთავსებულია 10000 კვ.მ. ფართობზე. ყოველ წლიურად ტექნოლგიების და ხარსიხის ამაღლებით ჰუგლუ აწარმოებს მრავალი სახეობის იარაღს, ერთლულიან, ორლულიან და ნახევრად ავტომატურ სანადირო თოფებს, ასევე მრავალ სპორტული დანიშნულების იარაღს.

გავრცელებულია ხმა თურქული თოფების არახარისხიან წარმოებაზე და მათ არაბრძოლისუნარიანობაზე. ამ აზრს ხშირად ავრცელებენ ის მონადირეები, რომლებსაც შეხება არ ჰქონიათ თურქული წარმოების სანადირო თოფებთან. სინამდვილეში როგორც „ჰუგლუ“ ასევე ბევრი სხვა თურქული ფირმა Stoeger, Hatsan, virsan, ata arms, sa-ka, akus, arsman, Sarsilmaz, stoeger, siberun და სხვები აწარმოებენ მაღალი ხარისხის თოფებს თანამედროვე ჩარხ-დანადგარების საშუალებებით, რომლებიც განაპირობებენ მათ მაღალ ხარისხს.

Huglu 104 A ვერტიკალური ლულების წყობით, რომელიც გამოირჩევა კარგი ბალანსით და შესანიშნავი დიზაინით, ხის და ფოლადის ერთმანეთში შერწყმის მაღალი ხარისხით. ჰუგლუ სარგებლობს დიდი პოპულარობით მონადირეებს შორის არა მარტო თურქეთში, რაც გამოიხატა 2009 წელს ევროპის სამონადირეო იარაღების გამოფენაზე მისი მაღალი ხარისხის შეფასებით. თურქეთი აწარმოებს ექსპორტს ევროპის 27-ზე მეტ ქვეყანაში ასევე ამერიკაში. დიდი პოპულარობით სარგებლობს თურქული თოფები რუსეთშიც, რასაც აღნიშნავენ რუსი მონადირეები. აღსანიშნავია ისიც რომ ხშირია სამართლიანი პრეტენზიები უხარისხო თურქული თოფების მიმართ, რაც ხშირდ ხდება დავის საგანი მონაადირეებს შორის თუ რომელი მოდელი უფრო ხარისხიანია. შეგახსენებთ რომ თურქეთში სამონადირეო და სხვადასხვა სახის იარაღებს აწარმოებს დაახლოებით 180-ზე მეტი ფირმა, კოოპერატივები და სხვადასხვა მწარმოებლები. ამათგან ის მწარმოებლები რომლებიც აკმაყოფილებს ევროპულ სტანდარს და თანამშრომლობენ ევროპის წამყვან ფირმებთან აწარმოებენ შედარებით მაღალი კლასის თოფებს. შეიძლება მაგალითისთვის ავიღოთ იგივე ჰუგლუ-104 რომელსაც აწარმოებს სამი ფირმა, star huglu silah sanayii, gens huglu silah sanayii, huglu silah sanayii. გასაგებია მათი გულისწყრომა ვინც შეიძინა ჰუგლუ და არ შეიქნა ის ხარისხი რომელსაც ელოდა, რადგან Hoglu silah sanayii-სგან განსხვავებით დანარჩენი ორი ფირმა აწარმოებს იგივე მოდელს უფრო დაბალი ხარისხის შესრულებით რაც აისახება ფასშიც. მსგავსება დიდია მაგრამ განსხვავება შესაძლებელია. ასევეა სხვა მოდელების მიმართაც და შეძენის დროს ყურადღება უნდა მიექცეს კონკრეტული მიდელი რომელი ფირმის მიერაა წარმოებული.

ერთადერთი პირობაა მაღალი ხარისხი, რომლის შენარჩუნების გარეშე ძნელია კონკურეციის გაწევა სხვა მწარმოებლების მიმართ, ამას კი ბევრი ვერ ახერხებს, რაც საბოლოოდ აისახება მათ მიერ წარმოებულ უხარისხო პროდუქციაზე, რის შედეგადაც კარგავს მომხმარებელს, შემდეგ ან უნდა გაკოტრდეს ან უნდა გაყიდოს ქარხანა, რაც ხშირად ხდება ხოლმე არა მარტო თურქულ რეალობაში. ბევრმა ევროპულმა ცნობილმა ბრენდებმა შეიძინეს თურქული ქარხნები ბევრთანაც გაერთიანდნენ, რაც დადებითად აისახა თურქეთში წარმოებულ თოფების ხარისხზე. თუ გადავავლებთ თვალს ზემოთ ჩამოთვლილი ფირმების წარმოებულ პროდუქციას, მართლაც იგრძნობა ხარისხი შესაბამის ფასთან ერთად. რაც მთავარია იზრდება მოთხოვნილება იმ დროს, როცა გაჯერებულია მსოფლიო ბაზარი ათასნაირი ხარისხის და სისტემის სამონადირეო იარაღით.

ტექნიკური მაჩვენებლები:
ყალიბი - 12.
სავაზნის სიგრძე (მმ) – 76.
ლულის სიგრძე (სმ) – 71.
ლულის შევიწროება საცვლელი ჩოკებით (მმ)-1.0, 0.75, 0.5, 0.25, 0.0.
წონა (კგ) – 3,5.

ფორუმზე განხილვა

Gorda.ge