Category Archives: გლუვლულიანი

ტოზ-57; ТОЗ 57; toz 57

Untitled 8
უნდა ვაღიაროთ და ვთქვათ, მიუხედავად იმისა რომ ტოზ-34 თავისი მექანიზმის სისუსტის გამო არც თუ ისე იმედიანად გამოიყურება სხვა თოფებთან შედარებით, მაგრამ მოთხოვნილება თითქმის 48 წელია არ განელებულა. დღესაც ითვლება რუსეთში ერთ ერთ მსუბუქ თოფად კარგი ბალანსით, ორიგინალური დიზაინითა და მექანიზმით, რაც აღინიშნა კიდეც 1965 წელს პატარა ოქროს მედლით ლაიფციგის საერთაშორისო გამოფენაზე. რა შეიძლება ითქვას ტოზ-57-ზე, რომელიც შეიქმნა ტოზ 34-ის ბაზაზე 1978 წელს სასანგრე სპორტული სროლისთვის. (ტოზ 57-K კი განკუთვნილია მრგვალი სტენდისთვის). დიდი პოპულარობით სარგებლობს მონადირეებსა და სტენდზე სროლის მოყვარულთა შორის.

ტოზ 34-თან შედარებით ტოზ 57- ში შეტანილია რიგითი ცვლილებები რაც უფრო დაკავშირებულია საბრძოლო თვისებების და მისი სროლის რესურსის გაზრდასთან. სროლის პროცენტული დაჯგუფება შეადგენს 35 მეტრზე №7 საფანტით 70 სანტიმეტრის დიმეტრის სამიზნეზე, ქვედა ლულით 60-65%-ს, ზედა ლულით კი 70-75%-ს. ლულის ფოლადის ხარისხის გაზრდით ლულის სამუშაო წნევა გაიზარდა 750 მ/პა-დე. გაძლიერდა ლულის ჩარჩოსთან ჩაკეტვის პრინციპი ლულაზე სპეციალური დამტებითი დაბოლოებებით, რომელიც ჩარჩოსთან ჩაკეტვისას ჩადის სპეციალურ ჭრილებში. ტოზ 57-ს არ გააჩნია სამართავი დამცავი ღილაკი რაც ნადირობისას ტექნიკური უსაფრთხოებიდან გამომდინარე არც თუ ისე საიმედოა. მიუხედავათ რიგით დადებითი ცვლილებებისა ტოზ 57-ში დარჩა იგივე სისუსტეები რაც თავიდანვე ჩადებული იყო ტოზ 34-ის მექანიზმის შექმნასას. კერძოდ შემაყენებელი ბერკეტები და მავთულისებური ნახევრად წრიული ფორმის საბრძოლო ზამბარები, აღარ შევეხები სხვა მინუსებს, რომლებიც მიუხედავად ტექნოლოგების დახვეწისა მაინც რჩება აქილევსის ქუსლად. ტოზ 57-ის დამსხლეტი მექანიზმი ერთ სასხლეტიანია, რომლითაც სროლის თანმიმდევრობა დაცულია და არ იცვლება როგორც ეს ხდება სხვა სამონადირეო ერთ სასხლეტიან მოდელებში, სადაც შესაძლებელია ჯერ ისროლო ქვედა ლულა შემდეგ ზედა, ან პირიქით. ტოზ 57 -მა მისი რიგი კონსტრუქციული დადებითი ცვლილებებისა და ასევე ფასმაც მაინც ვერ გაუწია კონკურენცია ისეთ ცნობილ სპორტულ თოფებს როგორებიცაა მც 106, მც 108, მც 109. შედარება იმისა თუ რა უპირატესობა აქვს ამ მოდელებს ტოზის მიმართ, მგონი ამაზე სააუბარიც არ ღირს. არ მინდა ვინმეს გული გაუტეხო მაგრამ გამოგიტყდებით ჩემი 25 წლიანი პრაქტიკის მანძილზე არ შემიკეთებია სხვა სისტემის სანადირო თოფები იმდენჯერ რამდენჯერაც ტოზ 34-ის მექანიზმი.

ასეთი ისტორიაც ბევრჯერ მომისმენია რუსეთში, კონსტრუქტორი კოროვიაკოვი რომელმაც შექმნა ტოზ 34, შესულა თოფის ოსტატების შეკრებაზე,რომლებიც ხშირად იკრიბებოდნენ რათა გაეზიარებინათ ერთმანეთისთვის გამოცდილება, ერთერთს უცვნია და წარუდგენია დანარჩენებისთვის რომ ეს იყო ტოზ 34-ის შემქმნელი კონსტრუქტორი. ამდგარა ერთი ოსტატი და უთქვამს დიდი მადლობა ბატონო კონსტრუქტორო ასეთი თოფის შექმნისთვისო, სანამდე ექნებათ მონაადირეებს თქვენს მიერ შექმნილი თოფი ჩვენ ოსტატებს პურის საყიდელი ფულის პრობლემა არ გვექნებაო. მე ჩემი პრაქტიკიდან გმომდინარე აბსოლიტურად ვიზიარებ ამ მოსაზრებას, ბევრი ჩემი კოლეგა იზიარებს ამ აზრს, არა მარტო საქართველოში.

მიუხედავად ამისა სპორტული თოფები თავისი დიზაინით, ბალანსით, სროლის რესურსით და გამძლეობით მართლაც რომ ჯობია ანალოგიური სისტემის სამონადირეო მოდელებს. გასათვალიწინებელია სიმძიმე და ისიც რამდენად პრაქტიკულია სპორტული თოფი სანადიროდ, სადაც ყოველი გასროლა ხდება სხვადასხვა მანძილზე, საფანტის ზომაც და დაჯგუფებაც უნდა იყოს შესაბამისი, რასაც ვერ მოვთხოვთ სპორტულ თოფს რომლის დანიშნულებაცაა კონკრეტულ მანძილზე კონკრეტული ნომრის საფანტით მიაღწიოს მაქსიმალურ დაჯგუფებას, რაშიც მას ნამდვილად ბადალი არ ყავს.


მოდელები ТОЗ 57т-1с, ТОЗ 57к-1с და ТОЗ 57т-12е – 12 ყალიბის სპორტული თოფებია ლულათა ვერტიკალური წყობით. დამზადებულია ტოზ-34-ის ბაზაზე (გაძლიერებული აქვს ლულების ჩაკეტვა). გამოდიოდა 1978-1985 წლებში.
მრგვალი სტენდისათვის განკუთვნილია ТОЗ 57к-1с (675მმ სიგრძის ლულით), ხოლო სასანგრე სტენდისათვის კი ТОЗ 57т-1с და ТОЗ 57т-12е (ორთავე მოდიფიკაცია 750მმ სიგრძის ლულით). მრგვალი სტენდისათვის განკუთვნილ მოდიფიკაცია იწონის 3,3-3,6 კგ-ს, ხოლო სასანგრე სტენდისათვის_ 3,4-3,7 კგ-ს. სავაზნის სიგრძე შეადგენს 70მმ-ს. ერთსასხლეტიანია.

მოდიფიკაცია ТОЗ 57т-12е აღჭურვილია ეჟექტორით და სახსნელი (საცვლელი) ვენტილირებადი სამიზნე თამასით. შემაერთებელი თამასებიც ვენტილირებადია. ამ მოდიფიკაციას აქვს სახსნელი სასხლეტ-დამცემი მექანიზმი, რომელიც ყოველგვარი ინსტრუმენტის გარეშე იცვლება სწრაფად(სპორტული შეჯიბრებისას მექანიზმის დაზიანების შემთხვევაში სპორცმენს მხოლოდ 3 წუთი ეძლევა დაზიანების აღმოსაფხვრელად). მოდელი 1985 წელს შეიცვალა(ჩაანაცვლეს) ტოზ 84-ით.

ტექნიკური მაჩვენებლები:
ყალიბი (მმ) 12×70
ლულის სიგრძე (სმ) 75
მთლიანი სიგრძე (მმ) 120
ლულის შევიწროება სტანდარტული ჩოკებით (მმ) 1.0, 0.5,
წონა (კგ) 3,6

gorda.ge

უნიკალური Cosmi

Untitled 23
ალბათ საინტერესო იქნება გავაცნო ჩვენ მონადირეებს ძალიან საინტერესო თოფი რომელიც იწარმოება იტალიაში  ქალაქ ანკონაში სახელწოდებით  კოზმი. როდოლფო კოზმი დაიბადა  1873 იტალიაში ქალაქ მაჩერატაში. კოზმი ახალგაზრდობაში დაკავებული იყო ხის დამუშავებით  და ნადირობით. 17 წლის კოზმიმ პირველად შექმნა თავისი პირველი თოფი. 1895 წელს დაარსა თავისი ფირმა. მე-19 საუკუნის ბოლოს როცა გამოჩნდა ლეგენდალური კონსტრუქტორის ბრაუნინგის ნახევრად ავტომატური თოფი,  კოზმის ყურადღებაც მიიქცია. 1907 წელს კი შექმნა თავისი ორიგინალური თოფის პროტოტიპი, რომლის ავტომატიკის მუშაობის პრინციპი აღებული იყო ბრაუნინგის ნახევრად ავტომატური თოფიდან. კოზმიმ პატენტი მის გამოგონებაზე მიიღო  მხოლოდ1920 წელს, მანამდე კი ხვეწდა  თოფის სიტემას.
Untitled 27
1925 წელს კოზმიმ საბოლოოდ  ხელით შექმნა თავისი ორიგინალური თოფი რომლის წარმოებაც გაგრძელდა მის გარდაცვალლებამდე. 1936 წ   გარდაიცვალა როდოლფო კოზმი. მამის საქმე გააგრძელეს შვილებმა ამერიკომ და მარჩელომ. დღეს დღეობით კი ფირმას ხელმძღვანელობს შვილიშვილი „როდოლფო კოზმი“.  კოზმი  ითვლება საუკეთესო ნახევრად ავტომატურ თოფად მსოფლიოში.   მასში შერწყმულია  შესრულების  ხარისხი, ექსკლუზიური დიზაინი და მექანიზმის უტყუარი მუშაობა, რომლის შექმნაშიც მიღებული აქვს მონაწილეობა მაღალი კლასის ოსტატებს. კოზმის შექმნაში იხარჯება 200 საათი მარტო ხელით შრომა, რაც მიუთითებს თოფის მაღალ ხარისხზე. 70 წელიწადია კოზმის სიტემა არ შეცვლილა. ერთი შეხედვით არაფრით გამოირჩევა ძვირად ღირებული ჩვეულებრივი გადსახსნელი  ერთ ლულიანი თოფისაგან, მაგრამ მაინც იგრძნობა მისი არაჩვეულებრივობა.

Untitled 24დამრტყმელ სასხლეტი მექანიზმი

როდოლფო კოზმიმ თავის თოფში გააერთიანა სამი იდეა. ავტომატოკის მუშაობის პრინციპი აღებული „ჯონ მოზეს  ბრაუნინგის“ ავტო-5-დან მოძრავი ლულის უკუცემის პრინციპი,  მილისებური მჭიდი, რომელიც განათავსა  კონდახში,  ამ იდეის  ავტორი იყო „ქრისტოფორე სპენსერი“.  მესამე იდეა კი ლულის  კოლოფის ზედა ურდული,  რომლის მეშვეობითაც ხორციელდება   თოფის გადახსნა. იდეა  ეკუთვნის  ცნობილ ფრანგ კონსტრუქტორს „კაზიმირ ლეფოშეს,“ რომელმაც თავისი გამოგონება დააპატენტა 1832 წელს. კოზმიმ არა თუ გადმოიღო იდეები არამედ გადააკეთა  და შერწყა სამივე  ერთად, რასაც დაამატა  ხელით დეტალების ურთიერთ მორგების უბადლო შესრულების  ხარისხი, რითაც  მიიღო ავტომატიკის მუშაობის ყველასაგან განსხვავებული პრინციპი,  ორიგინალური დიზაინი და  შესანიშნავი  ბალანსი.  მისი მექანიზი ისეა მორგებული ერთმანეთთან რომ მასში  მტვერი და წყალი პრაქტიკულად ვერ აღწევს. კოზმის თოფი შეიძლება მართლაც ჩაითვალოს  უნიკალურ  თოფად ნახევარ ავტომატურ თოფებს შორის.   კოზმი აწარმოებს 100 ცალ თოფს წელიწადში.

Untitled 25ჩაკეტილი და გახსნილი საკეტებით

70 წლის განმავლობაში კოზმიმ  გამოუშვა 8000 ცალი თოფი. ყველაზე იაფი  კოზმის თოფი ღირს  10 000 დოლარი. თოფის დასამზადებლად განოიყენება მაღალი ხარისხის მასალები, დაწყებული ხიდან დამთავრებული მეტალამდე, ლულა დამზადებულია  ( BOEHLER ANTINIT  ავსტრიული უჟანგავი ფოლადი)   „ბიოლერ-ანტინიტ“-ის ფოლადისაგან. ლულის კალაპოტს  1990 წლიდან  აკეთებენ ტიტანისაგან, (თუ სურვილი ექნება დამკვეთს) რაც დადებითად მოქმედებს მის წონაზე. თოფის მუშაობის პრინცი, როგორც ავღნიშნეთ აღებულია ბრაუნინგიდან,  მოძრავი ლულის უკუ ცემის პრინციპი. ლულის გადახსნის შემდეგ ვაზნა იდება ლულის სავაზნეში, მილისებური მჭიდის შევსება , რომელიც განთავსებულია  კონდახში   ხორციელდება ლულის კალაპოტის შიგა წინა  ფსკერიდან კონდახის მიმართულებით,  ტევადობა შეადგენს  8 ვაზნას.  კოზმის ყველა წარმოებული თოფი ინდივიდუალური შეკვეთით იწარმოება და ყოველი შექმნილი თოფი განუმეორებელია. როგორც ყველა თოფს აქვს როგორც დადებითი ასევე უარყოფითი თვისებები. კრიტიკოსები მიიჩნევენ რომ მილისებური მჭიდი, რომელიც მოთავსებულია კონდახში  მდებარეობს თავთან ახლოს და  ტექნიკური უსაფრთხოების  კუთხით მჭიდში ვაზნის აფეთქების  (ვაზნის აფეთქებას ჰქონდა ადგილი, როგორც  მც-ში ასევე ბრაუნუნგში)  შემთხვევაში მსროლელსთვის წარმოადგენს დიდ საშიშროებას. 70 წლის მანძილზე კოზმში ეს არ მომხდარა, ალბათ არც მოხდება, მაგრამ ალბათობა არის.  რომ გადავხედოთ ცნობილი ბრენდების თოფებს, უმრავლესობის პროტოტიპების კოპირებას აწარმოებს მრავალი ფირმები. ეს ტენდეცია გავრცელებულია მთელ მსოფლიოში, მაგრამ კოზმის თოფს   მისი სისტემის და ავტომატიკის მუშაობის პრინციპიდან  გამომდინარე  კოპირების  საშიშროება არ ემუქრება. კოზმი რჩება ერთ ერთ კლასიკურ მოდელად რომელსაც მსოფლიოში ანალოგი არა აქვს!..

gorda.ge

Untitled 19 Untitled 18 Untitled 6
Untitled 7 Untitled 17 Untitled 12
Untitled 8 Untitled 9 Untitled 15

Untitled 31

 

ლანკასტერი

 

19-ე საუკუნე თამამად შეგვიძლია ვაღიაროთ სანადირო იარაღების განვითარებისა და დახვეწის საუკუნედ. ცნობილი ბრიტანელი მეიარაღე ჩარლზ ლანკასტერი დაიბადა 18-ე საუკუნის მეორე ნახევარში, თავისი სპეციალობით ჩარლზი იყო იარაღის ლულების ოსტატი, მან ლულების წარმოება დაიწყო 1811 წლიდან და თავისი წარმოებული უმაღლესი ხარისხის ლულებით ამარაგებდა ბრევრ ცნობილ ბრენდს, მათ შორის ჯოჟეფ მენტონს, ლანკასტერი თავის ლულებზე აფიქსირებდა მარტო ინიციალებს “C.L.”.

იმდროინდელი სანადირო თოფების ექსპერტი ვ. ჰავკერი, რომელიც კარგად იცნობდა იმდროინდელ ინგლისელ მეიარაღეებს წერდა, რომ ლანკასტერის უნიკალური ლულების წყალობით ბევრმა ოსტატმა გაითქვა სახელი და რომ ლანკასტერი მათ უფლებას აძლევდა საკუთარი წარმოების ლულებზე ამოეტვიფრათ შემკვეთი ფირმების ინიციალები.

ჩარლზ ლანკასტერი 1811 წლიდან 1825-1826 წლამდე მხოლოდ ლულებს აწარმოებდა. 1826 წელს ლანკასტერი იწყებს იარაღის წარმოებას და აფუძნებს საკუთარ ფირმას, მან ლონდონში გახსნა საკუთარი საფირმო მაღაზია სადაც, გარდა საკუთარი წარმოების იარაღისა იყიდებოდა ფორსაიტის, მენტონის, ეგგის, იმდროისათვის ახალბედა ჯეიმს პერდესა და ლანგის იარაღები. გარდა ამისა მარაზიაში შეიძლებოდა შეკვეთის გაკეთება, აევე თანხის დამატებით გაგეცვალა ძველი იარაღი ახალში, იარაღის რესტავრირება, გაგეწმინდა ლულები ე.წ “რაკოვინები”-გან და ასევე გეყიდა ტყვია-წამალი.

ლანკასტერის იარაღი რუს მონადირეებში დიდი პოულარობით
სარგებლობდა, მონადირეთა ერთი ნაწილი აღიარებდა ლანკასტერს, ხოლო ნაწილი უპირატესობას ჯეიმს პერდეს ანიჭებდა . ლ. ვექსელი თავის წიგნში ხაზგასმით აფიქსირებს ლანკასტერის წარმოების თოფების უპირატესობას ჯეიმს პერდეს იარაღებთან შედარებით და ლანკასტერს ასახელებს საუკეთესო ინგლისელ მეიარაღედ. ასევე ლანკასტერის იარაღის მოყვარული გახლდათ ნ.ა. ნეკრასოვი, ის ი.ს. ტურგენევისათვის 1861 წლის 5 აპრილს პარიზში მიწერილ წერილში
გამოთქვამს ლანკასტერის ყიდვის სურვილს, რაშიც მად იყო გადაეხადა 500 რუბლი. ლანკასტერის უპირატესობას ადასტურებს ის ფაქტიც რომ ის 1843 წლიდან სამეფო კარს ამარაგებდა სანადირო იარაღით.

ლანკასტერის მიერ წარმოებული იარაღი საკმაოდ ძვირი ღირდა, მატი ფასი რუსეთში 1870-იან წლებში 500-1000 რუბლი იყო. თუ შევადარებთ ლანკასტერისა და პერდეს ფირმების მიერ წარმოებული სანადირო იარარების მონაცემებს, აღმოვაჩენთ, რომ ჯეიმს პერდე რომელიც 10 წლით გვიან იყო დაფუძნებული ლანკასტერთან შედარებით აწარმოებდა 2-ჯერ მეტ იარაღს. მაგ: 1860 წელს ლანკასტერმა აწარმოა 3 000, ხოლო პერდემ 6000 ეგზემპლარი, 1880 წელს ლანკასტერი-5 000, ხოლო პერდე 11 000 ერთეული სანადირო იარაღი.

ჩარლზ ლანკასტერის სახელს უკავშირდება მრავალი გამოგონება, როგორიცაა ლულის ოვალური გაბურღვა და ცენტრალური ამაფეთქებელი და ა. შ. ჩარლზთან ერთად მუშაობდნენ მისი ორი ვაჟი, რომელტაგან უმცროსმა ალფრედმა 1855 წელს დააფუძნა ახალი საწარმო “ Alfred Lancaster”, რომელიც 1892 წელს შეუერთდა ძირითად საწარმოს.

1878 წელს ლანკასტერის საწარმო იყიდა ჰ. თორნიმ, რომელმაც ფირმის სახელი უცვლელი დათოვა, მხოლოდ “CO” დაამატა. ჰ თორნის მოსვლის შემდეგ ლანკასტერის პატენტს შეემატა ისეთი გამოგონებები როგორებიცაა, ეჟექტორი, საკეტები სხვადასხვა მოდიფიკაციით და დამცველები.

1925 წლიდან ლანკასტერის საწარმო იყიდა გრანტმა და ლანგმა, შემდეგ “ჩერჩილი”-ს ფირმამაც, მაგრამ ლანკასტერის საწარმოს დიდების აღდგენა ვერ მოხერხდა და 1980 წელს წარმოება შეწყდა. 1984 წლიდან კი ისევ დაიწყო წარმოება.

intermedia.ge

ფიქსირებული და სახსნელი ჩოკები


ფიქსირებული ჩოკების აღმომჩენებად ამერიკელი ფრედ კიმბლი და ბრიტანელი პეიპი ითვლებიან…
კიმბლი იყო კარგი მონადირე (წყალმცურავებზე ნადირობდა დიდი გატაცებით) და მეტალის დამუშავებაც საკმაოდ კარგად ეხერხებოდა. ის არ დააკმაყოფილა მისი თოფის სიბურჯღლემ, რომელსაც ცილინდრული ლულა ჰქონდა და გადაწყვიტა შეევიწროებინა ლულის ტუჩის მიმდებარე ადგილი. ეს 1870 წელს მოხდა. მან საკუთარი 10 ყალიბის თოფის ლულის ბოლო შეავირწოვა იმ დონემდე, რომ საცდელი გასროლის შემდეგ ძალიან ცუდი შედეგი მიიღო. შედეგით იმედგაცრუებულმა გადაწყვიტა, რომ კვლავ აღედგინა ლულის პირვანდელი დიამეტრი. მას ზუსტი ხელსაწყოები არ გააჩნდა და ნელ-ნელა ქლიბით დაიწყო შევიწროებული ადგილის გაცლა. შესრულებული სამუშაოს შემდეგ გადაწყვიტა, რომ შევიწროება სრულად გაექლიბა და კვლავ გააკეთა საკონტროლო გასროლა. მის გაკვირვებას საზღვარი არ ჰქონდა, როცა გაცილებით უკეთესი სიბურჯღლე მიიღო, ვიდრე თოფს გააჩნდა ადრე. უფრო ზუსტი დაკვირვებით კიმბლიმ აღმოაჩინა, რომ შევიწროება სრულად არ იყო ლულიდან გაცლილი და ლულას ბოლოში გააჩნდა მცირე შევიწროება.
ასეთი ცდებისა და დაკვირვების მეთოდით კიმბლიმ ჩოკის ანუ ლულის შევიწროების საიდუმლო გასხნა. გამომგონებელმა არ დააპატენტა თავისი აღმოჩენა, მაგრამ დოკუმენტურად დადასტურებულია, რომ მისი ექსპერიმენტები ეყრდნობოდა ბრიტანელი მეიარაღის, პეიპის ცდებს, რომელმაც 1866 წელს დააპატენტა ლულათა გაბურღვის საკუთარი მეთოდი.
ეს მეთოდი შემდეგში მდგომარეობდა: ლულები იბურღებოდა ისე, რომ არხის დიამეტრი ყალიბის შესაბამის ზომაზე ერთი საფეხურით უფრო ვიწრო იყო. შემდეგ ლულის ტუჩიდან 25 სმ მანძილამდე არხი ფართოვდებოდა საჭირო დიამეტრამდე. ლულის ბოლოში მიღებულ გადასასვლელ ,,საფეხურს” უკეთდებოდა კონუსი. ასეთი ჩოკი ევროპაში კონუსურ ჩოკად იყო წოდებული, ხოლო ამერიკაში კი ამერიკულად.

გლუვლულიან თოფებში გავრცელებული ჩოკები (ლულის დაბოლოებაში დიამეტრის შევიწროების ხარისხი)

ჩოკების ტიპები
ჩოკების ტიპები

ზემოდან ქვემოთ: სრული ჩოკი, მოდიფიცირებული ჩოკი, გაუმჯობესებული ცილინდრი (ანუ მსუბუქი ჩოკი), ცილინდრი
ცილინდრი ესაა ლულის დაბოლოება, რომელსაც არ გააჩნია ჩოკური შევიწროება(0); ბ) აქვს უმნიშვნელო კონუსური შევიწროება(0,1-0,2მმ). ასეთი ჩოკი უზრუნველყოფს საფანტის თანაბარ და დიდი დიამეტრით გაშლას. ასეთი ჩოკი კარგია მოკლე დისტანციებზე სროლისათვის. ასეთი შევიწროების მქონე ლულებიდან დასაშვებია ნებისმიერი საფანტისა და ტყვიის სროლა.
მსუბუქი ჩოკი (იგივე გაუმჯობესებული ცილინდრი) ესაა ლულის დაბოლოება, რომელსაც აქვს მცირე ჩოკური შევიწროება 0,15-დან 0,25მმ-მდე. ამ ჩოკის დანიშნულება იგივეა რაც ცილინდრისა, მაგრამ როცა საჭიროა შედარებით უფრო დიდი დაჯგუფება (ანუ კონცენტრაცია), ვიდრე ცილინდრის შემთხვევაში. ასეთი შევიწროების მქონე ლულიდან დასაშვებია ნებისმიერი საფანტისა სროლა, ხოლო ტყვიის შემთხვევაში აუცილებელია წინასწარ შემოწმდეს თავისუფლად გადის თუ არა ტყვია ლულის მთელ სიგრძეზე.
ნახევარჩოკი ესაა ლულის დაბოლოების შევიწროება 0,5მმ-ით. გამოიყენება სტანდარტულად პირველი გასროლისას საშუალო დისტანციებზე ნებისმიერი საფანტისათვის და ყალიბით ნაკლები ტყვიისათვის.
სამი მეოთხედი ჩოკი ანუ მოდიფიცირებული ჩოკი ესაა ლულის დაბოლოების შევიწროება 0,75მმ-ით. გამოიყენება დიდ (ზომიერად) დისტანციებზე სროლისათვის ნებისმიერი საფანტითა და ყალიბით ნაკლები ტყვიით.
სრული ჩოკი – ლულის დაბოლოების შევიწროება 1,0მმ-ით. გამოიყენება დიდ დისტანციებზე სროლისათვის საშუალო და მცირე ზომის საფანტით. მსხვილი საფანტისა და ფინდიხის სროლისას უარესდება სიბურჯღლე და დაჯგუფება. დასაშვებია მხოლოდ სპეციალური ყალიბით ნაკლები ტყვიის სროლა.
ძლიერი ჩოკი – ლულის დაბოლოების შევიწროება 1,20-1,25მმ. გამოიყენება დიდ დისტანციებზე სროლისათვის მხოლოდ წვრილი საფანტით (7 ნომრიდან 10 ნომრამდე). არ გამოდგება მსხვილი საფანტის სროლისათვის და განსაკუთრებით ფინდიხისათვის. დაუშვებელია ტყვიის გასროლა.
ძალიან ძლიერი ჩოკი (იგივე სუპერჩოკი) – ლულის დაბოლოების შევიწროება 1,4-1,45მმ ეს იშვიათი და უკიდირესად დიდი შევიწროიბის მქონე ლულაა. გამოსადეგია მხოლოდ 8,9 და 10 ნომერი საფანტის სასროლად. სხვა საფაფანტის გამოყენებისას იძლევა არასახარბიელო შედეგს. დაუშვებელია ნებისმიერი ტყვიის სროლა.
გაფართოებული ცილინდრი ე. წ. ,,რასტრუბი” არის ლულის ტუჩის გაფართოება (12ყალიბისათვის 8 ყალიბის ზომამდე). გამოიყენება მოკლე დისტანციებზე საფანტის ძალიან დიდი გაშლისათვის

სახსნელი ჩოკები

სახსნელი ჩოკები

სახსნელი განკუთვნილია სუბურჯღლის რეგულირებისათვის ნადირობის პირობებიდან გამომდინარე (იგულისხმება სასროლი მანძილი). სახსნელი ჩოკები წარმოადგენენ ფოლადის მილისებრ ცილინდრებს, რომლებიც იხრახნება ლულის დაბოლოებაში. მათი შიდა დიამეტრი ბოლოსკენ ვიწროვდება (სხვადასხვა შევიწროების შემთხვევაში), რჩება იგივე სიდიდის (ცილინდრი) ან ფართოვდება (ე.წ. მილძაბრა ანუ,,რასტრუბი”). აგრეთვე არსებობს ჩოკები, რომელთაც გააჩნიათ ჭარბი აირების კონდენსატორები (ნახვრეტები). სახსნელი ჩოკები იყოფა 2 სახეობად:
ა) პირველ სახეობაში შედის ჩოკები, რომლების ეხრახნება რა ლულის შიგნით (ე.წ. სადები), არ ცვლის მის საერთო სიგრძეს ან ეხრახნება ლულას და გამოდის ლულის ტუჩის გარეთ (ე.წ. დამაგრძელებლები).
ბ) მეორე სახეობაში შედის ჩოკი, რომელსაც უწოდებენ ,,პოლიჩოკს” (პოლი – მრავალი). აღნიშნული ჩოკი ჩაემაგრება ლულაში და შემდეგ სპეციალური სარეგულირებელი რგოლით ხდება მისი დავიწროება სხვადასხვა დიამეტრით (0,25მმ-დან 1,25მმ-მდე). ასეთ რეგულირებად ჩოკებს უშვებს ერთ-ერთი ამერიკული ფირმა.
აღსანიშნავია, რომ მოწინავე მწარმოებლები დამაგრძელებლებს ბოლო პერიოდში სულ უფრო მეტად ცვლიან ლულაში ჩასახრახნი (სადები) ჩოკებით. დამაგრძელებლები საგრძნობლად მატებენ თოფს წონას, არღვევენ ბალანსს. სამიზნური (მუშკა), რომელიც განლაგებულია დამაგრძელებლის ბოლოში არღვევს სამიზნე თამასის მთლიანობას. ყველაფერი ერთად კი უკარგავს თოფს სწრაფი მანევრირების უნარს. ამ ფაქტორებიდან გამომდინარე, ახალი მოდელების უდიდესი უმრავლესობა გამოდის სადები ჩოკებით.

ცოტა რამ სახსნელი ჩოკების ისტორიიდან:

თუ თოფის ლულათა შევიწროება დიდია, მაშინ ასეთი იარაღით შედარებით დიდ მანძილზეა შესაძლებელი წარმატებული სროლა, ხოლო ,,ახლოში” ან ვერ მოარტყამ ან ტუშს გააფუჭებ. ლულის მცირე შევიწროებისას კი დიდ მანძილზე სანადირო ობიექტს ვერაფერს დააკლებ.
ოდითგანვე ევროპაში უპირატესობას ორლულიანებს ანიჭებდნენ, რომელშიც სხვადასხვა შევიროების ლულათა პრობლება მეტნაკლებად გადაწყვეტილი იყო. მარჯვენა (ან ქვედა) ლულა უფრო ნაკლები შევიწროების კეთდებოდა, ხოლო მარცხენა (ან ზედა) ლულა კი უფრო მეტი შევიწროების იყო. ამიტომ სხვადასხვა მანძილზე წარმატებული სროლა ორი (მეტ-ნაკლები შევიწროების) ლულის დროს არ ძნელდება. რაც შეეხება ამერიკას, აქ ნადირობაში უმეტესწილად ავტომატურებს იყენებდნენ. ერთი ლულის პირობებში კი სხვადასხვა შევიწროების (შესაბამისად დისტანციის) პრობლემის გადაწყვეტა მხოლოდ ორ ან მეტ იარაღს შეეძლო. არადა რამდენიმე თოფის სანადიროდ ტარება არც ისე ადვილია. ამიტომ სწორედ ამერიკაში, დაახლოებით ნახევარი საუკუნის წინ შეიქმნა სახსნელი ჩოკები, რომლებიც ადვილი სატარებელი იყო და მათი ცვლაც არანაირ დისკომფორტს არ ქმნიდა ნადირობის დროს. ამ აღმოჩენამ სწრაფად ჰპოვა მოწონება და მალე გავრცელდა მთელ მსოფლიოში.

საერთაშორისო შეთანხმების საფუძველზე სახსნელ ჩოკებზე კეთდება ნაჭდევები, რომელიც შესაბამისად აღნიშნავს მის ზომას.
1) სახსნელი ჩოკი ნაჭდევის გარეშე არის ცილინდრი ანუ 0
2) სახსნელი ჩოკი 4 ნაჭდევით არის გაუმჯობესებული ცილინდრი ანუ 0,25
3) სახსნელი ჩოკი 3 ნაჭდევით არის 1/2 ჩოკი ანუ 0,5
4) სახსნელი ჩოკი 2 ნაჭდევით არის 3/4 ჩოკი ანუ 0,75
5) სახსნელი ჩოკი 1 ნაჭდევით არის სრული ჩოკი ანუ 1,0

სურათზე პირველია 3/4 ჩოკი (ორი ნაჭდევი მარცხენა მხრიდან), მეორეა სრული ჩოკი (ერთი ნაჭდევი უკანა მხარეს), მესამეა 1/2 ჩოკი (სამი ნაჭდევი მარჯვნიდან)

ქანჩის ჭრილები უფრო ღრმა და დიდია. ისინი შეიძლება ჰქონდეს 2 ან 4.

ნაჭდევების ნაცვლად შეიძლება აღნიშნული იყოს * ასეთი ვარსკვლავითაც (რაოდენობა იმდენივე, როგორც პატარა ნაჭდევების დროს). ცილინდრის შემთხვევაში აღინიშნება 5 ვარსკვლავით.
როგორც აღნიშნავენ, ნაჭდევების (ან ვარსკვლავების) რაოდენობა უმეტესწილად ემთხვევა პოსტში მოყვანილ რაოდენობას, თუმცა არსებობს გამონაკლისებიც.

სახსნელი ჩოკების დასახელებები

XF – Extra Full – ძლიერი ჩოკი 1,25
F – Full – სრული ჩოკი 1,0
IM – Improved Modified – გაძლიერებული ნახევარჩოკი 0,75
M – Modified – ნახევარჩოკი 0,5
IC – Improved Cylinder – გაძლიერებული ცილინდრი 0,25
С - Cylinder ცილინდრი 0,00 -0,2 (მინუს 0,2 არის მილძაბრა)

monadirege.com

STOEGER M3500


იმასთან დაკავშირებით, რომ გაზრდილია ყურადღება სტოეგერის თოფებთან,   ასევე მის ხარისხსა და გამძლეობასთან,  მოგაწოდებთ მოკლე იმფორმაციას რადგან ყოველივე რაც კი ასოცირდება თურქულ ნაწარმთან, ამ შემთხვევაში თოფებთან, მონადირეებში იწვევს უნდობლობას მის ხარისხთან  დაკავშირებით, რა თქმა უნდა ამის საფუძველიც არსებობს, რადგან უმრავლესი თურქული მწარმოებელი ფირმები  აწარმოებენ არც თუ ისე ხარისხიან თოფებს. ამ შემთხვევაში ცოტა სხვაგვარადაა საქმე, როგორც სახელთან ასევე ამავე სახელით  წარმოებულ თოფთან.  სახელი STOEGERI  დაკავშირებულია ავსტრიელ ემინგრატთან ალექსანდრე ფეოდორისძე  სტოეგერთან, რომელმაც 1923 წელს მოიპოვა ლიცენზია ამერიკაში და კანადაში ეწარმოებინა  ევროპიდან იმპორტი მაუზერის და ლუგერის  სისტემის იარაღების. 1936 წელს ნუიორკში დაარსა კომპანია და გამოაქვეყნა იმპორტირებული იარაღების კატალოგი რითაც დაიმკვიდრა ექსკლუზიური იმპორტიორის სახელი ამერიკაში. 1990 წელს სტოეგერის კომპანია შეიძინა ფინურმა ფირმა საკომ, (SAKO) რომელიც აწარმოებდა მაღალი კლასის  სამონადირეო შაშხანებს. 2000 წელს კი საკო შეიძინა კომპანია BEREETA HOLDING SPA-ამ და გადასცა საკუთრებაში BENELLI  USA  კომპანის.   რაც შეეხება სტოეგერის სახელით წარმოებულ თოფს, მისი დაბადების ისტორია დაკავშირებულია მე-20-ე საუკუნის 80-იან წლებთან, ქალაქ სტამბულში მდებარე ერთ პატარა კომპანია ვირსანთან, (VIRSAN  SILAH  SANAYI  AS) რომელმაც გადაწყვიტა ზედმეტი გარჯისა და თავის ატკივების გარეშე  გადმოეღო  და ბენელთან  შეთანხმების გარეშე  ეწარმოებინა BENELLI  SUPER 90 M1-ის ზუსტი ასლი, რომელიც უკვე შედიოდა  უმსხვილესი იარაღების მწარმოებელ BERETTA GROUP ჰოლდინგში, ბენელი სარგებლობდა მაღალი რეპუტაციით, რაც გამოიხატებოდა თოფის წარმოების უმაღლესი  ხარისხით და მაღალი დიზაინის შესრულებით. მალევე ცნობილი გახდა, რომ თურქეთში იწარმოებოდა  ბენელის სისტემის ზუსტი ასლის თოფი შესაბამისი  ნებართვის გარეშე. რეაქციამაც არ დააყოვნა ცნობილი ბრენდების მხრიდან და დაიწყეს ვირსანის მიერ წარმოებული თოფის შესწავლა. გაირკვა რომ მიუხედავად დაბალი ხარისხის  და იაფიანი დეტალების გამოყენებით  მთლიანობაში როგორც თოფი ასევე თოფის ყველა დეტალი შესრულებული იყო მაღალ დონეზე, რამაც გაკვირვება  გამოიწვია ექსპერტებს შორის,  ამას მოჰყვა ბერეტას წარმომადგენლების ჩასვლა ვირსანის ქარხანაში  იმისათვის რომ კონტროლი გაეწია უნებართვო თოფების წარმოებისათვის. მოლაპარაკებების შედეგად 1998 წელს ბერეტამ შეიძინა ვირსანის კომპანიის საკონტროლო პაკეტის 51%. ოთხი წლის განმავლობაში ბერეტას ანალიტიკოსები აკვირდებოდნენ ვირსანის სამეწარმეო ციკლს, დაინახეს რა ქარხნის პოტენციალი მიიღეს გადაწყვეტილება  ქარხნის დახურვის და შემდეგში მისი გაყიდვის. იმავე ადგილზე  კი ბერეტამ ააშენა ახალი ქარხანა თანამედროვე ტექნოლოგიების გათვალისწინებით, ქარხანას დაერქვა სახელი  STOEGER SILAH  SANAVI  AS, რომელიც 2003 წელს გადავიდა  BERETTA GRUP ჰოლდინგის კერძო საკუთრებაში და დაიწყო სტოეგერის სახელწოდებით თოფების გამოშვება. ქარხანა განთავსებულია 1500 მ/კვ, თანამშრომლების რაოდენობა შეადგენს 300 კაცს აქედან 55-ზე მეტი ინჟინერი და დიზაინერია. ყოველ წლიურად აწარმოებს  65000 ცალ თოფს, 30000 ცალ პისტოლეტს 150000 ცალ ლულებს გლუვლულიანი თოფებისთვის. მისი პროდუქცია იგზავნება ამერიკაში და  ევროპის მრავალ ქვეყანაში. ქარხნის  სამეწარმეო ძირითადი სიმძლავრე შემოტანილი იყო იტალიიდან ბენელლის ქარხნიდან, დანარჩენი კი სპეციალური დაკვეთით დამზადდა თურქეთსა და იაპონიაში. სტოეგერმა მალევე დაიმკვიდრა ადგილი ამ კლასის თოფებში, როგორც მარტივი, საიმედო ნახევრად ავტომატური  თოფი  ინერციული საკეტით, სადაც მექანიზმის  მუშაობის  პრინციპი  დაფუძვნებულია  თოფის  უკუცემის ენერგიის დაგროვებულ ხარჯზე. სტოეგერ 3500  წინა  მოდელთან  განსხვავდება  იმით, რომ   არის უფრო მძიმე, გააჩნია მასიური  ჩარჩო ( რაშიდაც მოძრაობს საკეტი), ასევე შეცვლილია  და არ გააჩნია საკეტზე წინა მბრუნავი თავის მიმმართველი, ჩარჩოს შესაბამისად დამიზნების გამარტივების მიზნით  ამაღლებულია ლულაზე დარჩილული სავენტილაციო თასმა. გაზრდილია ლულის სიმტკიცე, რომლის სამუშაო წნევა აყვანილია 1050მგ/პასკალამდე, რაც იძლევა  64 გრამიანი საფანტის მქონე ვაზნის სროლის საშუალებას. გამომდინარე იქედან თუ რა დონის თოფებს აწარმოებს ბერეტა და ბენელლი მათი წარმოებული თოფებიც მეტყველებს, რომელთა წარმოება უმაღლესი ტექნოლოგიების გარეშე შეუძლებელია. სხვანაირად იყო ლიდერი და გაუძლო 21-ე საუკუნეში კონკურენციას მართლაც რომ შეუძლებელია.

STOEGER MOD 3500 Max 4 – SUPER MAGNUM 12X89

ტექნიკური მაჩვენებლები:

  •  ყალიბი (მმ)    12×89
  • ლულის სიგრძე (სმ)    76
  • მთლიანი სიგრძე (მმ)   132
  • ლულის შევიწროება ჩოკებით (მმ)   1.0,0.75,0.5,0.25,0.00
  • წონა (კგ)    3.5
  • მჭიდის ტევადობა (ც)   12×89 – 4+1      12×76 – 5+1

gorda.ge

Ata Arms SP

ატა არმსი ნახევარი საუკუნეა ცნობილია ევროპაში საუკეთესო იმპორტიორად თურქულ ფირმებს შორის, რომელიც აწარმოებს მაღალი კლასის სამონადირეო თოფებს. ატას ძირითადი სამეწარმეო ძალა განთავსებულია ქალაქ სტამბულში, რომელიც აღჭურვილია უახლესი ელექტრონული ჩარხდანადგარებით და თანამედროვე ტქნოლოგიებით. პორდუქციის ხარისხზე მეტყველებს ისიც რომ ატას პროდუქცია იგზავნება ევროპის ორმოც ქვეყანაში და ამერიკაში. ფირმა აწარმოებს წელიწადში 4000 ერთეულ სხვადასხვა სახის სამონადირეო და სპორტული დანიშნულების თოფებს, რომლებისთვისაც იყენებს ევროპის საუკეთესო ლულის ფოლადს, თურქულ და ბერძნულ უმაღლესი ხარისხის კაკლის ხის მასალას. წარმოების ციკლში დასაქმებულია 150 მაღალი კლასის მომსახურე ოსტატი, რომელთა მეშვეობითაც ატა აწარმოებს ორ ლულიან თოფებს ვერტიკალური ლულების წყობით: MOD SR COMBO; SR MRBRE; SR WOODCOCK; SR BLASK. ასევე ნახევრად ავტომატური სისტემის თოფებს, როგორც ინერციული საკეტით ასევე საკეტზე გაზის უკუცემის პრინციპით.

ინერციული: NEO COM TIMBER; NEO CAMO MAX4; NEO SYNTHETIC GREEN; NEO SYNTHETIC; NEO 20; NEO 28; NEO WALNUT; NEO WLEGARAVED DELUXE;

გაზის უკუცემით: CY CVNTHETIC; CY COMBO; CY CAMO MAX4; CY CAMO TIMBER; CY CAMO MAX4 SUPER MACNUM; CY SILVER RED; CY ENGREAVED HUNTER. CY ENGRAVED GAME და სხვა.

მექანიზმის მუშაობის პრინციპი ძირითადად კოპირებულია იტალიური ბერეტასა და ბენელის სისტემებიდან.

ატას თოფები გამოირჩევა კარგი ბალანსით, დახვეწილი დიზაინით და შესრულების მაღალი ხარისხით. ყელა თოფზე ჩუქურთმა და ორნამენტი შესრულებულია ხელით რაც მატებს შესამჩნევ ეფექტურ სილამაზეს. აღსანიშნავია ისიც რომ იმ დონეზე აქვს აყვანილი დეტალების წარმოების ხარისხი შესაძლებელია ერთი თოფიდან მეორე თოფზე მექანიზმის გადატანა ზედმეტი მორგების გარეშე. ვისაც შეხება ჰქონია ატას თოფებთან აუცილებლად შეამჩნევდა ყოველივე ზემოთ ჩამოთვლილ დადებით თვისებებს რაც ამ თოფებს გააჩნია. ატას თოფები დიდი პოპულარობით სარგებლობს საქართველოშიც, რაც დასტურდება იმ მონადირეების შეფასებებით ვისაც შეხება ჰქონია და პრაქტიკულად გამოუცდია ნადირობაში.

ტექნიკური მაჩვენებლები:
ყალიბი – 12×76
ლულის სიგრძე (სმ) – 71
მთლიანი სიგრძე (სმ) – 115
ლულის შევიწროება საცვლელი ჩოკებით (მმ) – 1.0, 0.75, 0.5, 0.25, 0.00
წონა (კგ) – 3.4

Gorda.Ge

тоз-120; ტოზ-120; TOZ-120



12 ყალიბის ორლულიანი თოფი тоз-120
ეს არის იარაღი ვერტიკალურად შეწყვილებული ლულებით, რომელიც განკუთვნილია რეწვისა და სამოყვარულო ნადირობისათვის. 2000 წლის მოდელი შემუშავებულია тоз-91-ის ბაზაზე სტარუხინის ხელმძღვანელობით. საბაზო მოდელისაგან შენარჩუნებულია კვანძები, რომლებმაც კარგად წარმოაჩინეს თავი ექსპლოატაციაში.

საფუძვლიანად გადამუშავდა სასხლეტ-დამცემი მექანიზმი(ერთ სასხლეტზე): ახლა ის აღჭურვილია სროლის რიგითობის დამოუკიდებელი სელექტორული გადამრთველით, რომელიც გაერთიანებულია მცველის ღილაკთან.
ლულები საცვლელი 710 ან 750მმ სიგრძის, რომელიც კალაპოტს უერთდება ლულის კაუჭით, საყრდენი ღერძით, ტიბჟირითა და საკეტი ბერკეტით. ლულის არხები ქრომირებულია, შევიწროებები შეიძლება იყოს 0,0მმ, 0,25მმ, 0,5მმ, 0,75მმ და 1,0მმ.

დამცემი მექანიზმს გააჩნია შემყენებლების დამცავი, რომელიც გამორიცხავს შემთხვევით გასროლას; აგრეთვე იწარმოება ორსასხლეტიანი მექანიზმიც.
კონდახი და ტიბჟირი კაკლის. საერთო სიგრძე1180მმ, მასა_3,4კგ.

მწარმოებელი ქარხნის გეგმებში არის გამოუშვას ლულები, რომელშიც ერთი ლულა ჩოკი იქნება, ხოლო მეორე ე.წ. ,,პარადოქსი” და აღნიშნული იქნება სახსნელი ვარიანტი ან არამოსახსნელი ანუ ლულა ,,პარადოქსი”. ექსპერიმენტული მოდელის მისროლამ აჩვენა(35 მეტრზე)საფანტის განივი განლაგება 15-20მმ.

ფორუმზე განხილვა


ფაბარმი – FABARM

Fabarm შედარებით ახალგაზრდა ფირმაა, რომელიც მდებარეობს ქალაქ ტრავალიატოში. თუმცა მისი პროდუქცია, თავისი ხარისხით, დიდად არ ჩამოუვარდება ბერეტას, ბრაუნინგს, ბინელის და სხვა გარანდებს. Fabarm-ი იმიჯის ზრდასთან ერთად ზრდის თავის ასორტიმენტსაც.
ეს ფირმა ადრე მუშაობდა ბერეტასა და ბინელზე, ასეთმა სკოლამ უკვაკოდ არ ჩაიარა.

გალეზების გვარის ფირმა მეორე მსოფლიო ომამდე მდებარეობდა ბრეშიაში და ორიენტირებული იყო რამდენიმე ტიპის ბაბრძოლო იარაღის წარმოებაზე.

ომის დამთავრების შემდეგ საერთაშორისო შეთანხმების საფუძველზე ევროპის ბევრ ფირმას ჩამოერთვა სამხედრო იარაღის წარმოების უფლება და ფაბარმიც გადადის გლუვების წარმოებაზე. 1956 წლიდან ფირმამ დაიწყო მუშაობა მცირე ასორტიმენტით. მეოცე საუკუნის ბოლოსათვის მას გააჩნდა სრულიად ახალი საწარმოო ბაზა, ამჟამად უშვებს სამი ძირითადი კლასის_ ორლულიანების, თვითდამტენებისა და პომპების დიდ ასორტიმენტს. დღეისათვის მისი ნაწარმი ცნობილია მთელი მსოფლიოსათვის, მიუხედავად მძაფრი კონკურენციისა. ყოველგვარი გადაჭარბების გარეშე შეიძლება ითქვას, რომ დღეს Fabarm გახდა განთქმული კომპანია, რომელიც უშვებს ხარისხიან და შედარებით იაფ პროდუქციას.
ექსპერტების აზრით, ამ ფირმის პროდუქცია ცნობადობის ზრდასთან ერთად აუცილებლად გაძვირდება.

Fabarm S.p.A._ ერთ-ერთი ფირმაა, რომელიც თოფის ყველა დეტალს თვითონ(თავის ფირმაში) აკეთებს. გარდა ამისა თავად უშვებს სხვადასხვა აქსესუარებს: კრონშტეინებისა და ოპტიკებიდან დაწყებული სანადირო ტანსაცმლით დამთავრებული.
ფირმას აქვს დამოუკიდებელი მიღწევებიც, როგორიცაა ლულათა ორიგინალური გაბურღვის პროფილი Fabarm Tribore Barrel System და Fabarm Tribore Barrel System, რომელთა შედეგად გაზრდილია ჭრა, სიბურჯღლე და დაჯგუფება.
ლულები მონობლოკებია და მზადდება 42СгМо4 მარკის ფოლადისაგან, არხები ქრომირებულია.

კიდევ ერთი დამოუკიდებელი მიღწევაა ლულების კომპლექტაცია სახსნელი მოწყობილობების 4 ტიპით:ა) სახსნელი მოკლე ჩოკები(0-დან 1,0-მდე) ბ) 1,5-სმ-იანი დამაგრძელებლები სტენდისათვის(8 ჩოკის ჩათვლით), გ) დამაგრძელებლები 3; 5; 7,5; 10 და 12 სანტიმეტრი სიგრძითა და ამასთან ერთად 4,5სმ-იანი ხრახნილი ჩოკი; დ) პომპებისათვის 6 ცალი ლულის კომპლექტი(სახსნელი ჩოკებით).

ლულათა სიგრძის მიხედვით თოფების მასა მერყეობს 2,65-დან 2,85კგ-მდე, რაც ხარისხიანი მსუბუქი შენადნობების დამსახურებაა. მცირე მასიდან გამომდინარე, დიდმუხტიანი ვაზნების სროლისას დისკომფორტის აღმოფხვრის მიზნით, კონსტრუქციებში დატანებულია ბუფერული სისტემა, რომელიც ნახევარავტომატურებში ამცირებს საკეტისა და ლულის, ფიქსირებული და მოძრავი მექანიზმების უკუცემას.

ამ ფირმის სახელგანთქმული მოდელებია: თვითდამტენები გაზის უკუქცევაზე Н368 Super Goose, Н368 Hunter 610, 660, 710, 760 და 900მმ სიგრძის ლულებითა და 12/76 სავაზნით(მჭიდის ტევადობაა 3, 6 ან 8 ვაზნა); ლულების ჰორიზონტალური განლაგებით Nobile, Beta Classis, Lion, რომლებსაც აქვთ ოპტიმალური ბალანსი და საუკეთესო დაჯგუფება.

ვერტიკალურებში განთქმულია Alpha 12/76 სავაზნითა და 660, 710, 760მმ სიგრძის ლულებით(განსაკუთრებით დახვეწილია მათი კონდახები), აგრეთვე Gamma, Max Field და Le LYS. ახალი მოდელია Axis 20/76 610, 660, 710 და 760მმ სიგრძის ლულებით.

განსაკუთრებით აღნიშვნის ღირსია Fabarm-ის ნაკეთობათა ზედაპირების დამცავი ფენა PVD Titanium, რომელიც შემუშავებული იქნა 2003 წელს. ამ ტექნოლოგიით დამუშავებული ლითონის ზედაპირი უძლებს აგრესიულ ნივთიერებათა ზემოქმედებას ძალიან დიდი ხნის განმავლობაში. ტესტირებამ 1500 საათის განმავლობაში აჩვენა საუკეთესო შედეგები.

ფორუმზე განხილვა

Auguste Francotte

Auguste Francotte -ის პოპულარობა და პრესტიჟულობა საყოველთაოდაა ცნობილი. ეს ფირმა ყოველთვის ამართლებდა მონადირეთა იმედებს და დაიმსახურა დიდი სიყვარული. მან მსოფლიო აღიარებას მიაღწია XIX საუკუნის ბოლოს. ამ ბელგიურმა ფირმამ საცალო და შეკვეთილი იარაღის ჰარმონიულობა გადაიტანა სერიულ ნაწარმზე, ხოლო ბალისტიკური მაჩვენებლებით Auguste Francotte-თან კონკურირებს მხოლოდ რამდენიმე მსოფლიო მნიშვნელობის ფირმა.
1799-1805 წლებში ჟოზეფ ფრანკოტმა ააგო ლიეჟში ,, პორტატული იარაღის ფაბრიკა”. თავდაპირველად ჟ. ფრანკოტი შეუდგა სამხედრო ნაწარმის გამოშვებას, მაგრამ შემდეგ სანადირო თოფებზე გადავიდა.
ფრანკოტების ოჯახი განსაკუთრებით სახელგანთქმული გახდა ორლულიანი შტუცერებით. გლუვების წარმოება დაიწყო მე-19 საუკუნის 70-იან წლებში და სწორედ ამ დროიდან მიიღო სახელი Auguste Francotte.
სახელი ავგუსტი ერქვა ამ გვარის ბევრ წარმომადგენელს, თუმცა ,,ავგუსტ ფრანკოტი” ასოცირდება არა პიროვნებასთან, არამედ ფირმასთან.

მეოცე საუკუნის 60-70 წლებში 300-მდე ბელგიური ფირმიდან გადარჩა მხოლოდ რამდენიმე, მაგრამ Auguste Francotte-მ კარგი მენეჯმენტისა და ახალი ინოვაციების წარმოებაში უსწრაფესი დანერგვის გამო, მოდისა და ტრადიციების მშვენიერი შეთანაწყობის მეშვეობით მოახერხა გადარჩენა და განვითარება. ამასთან ერთად იარაღს აწარმოებდნენ ხარისხიანად, დიდი რაოდენობით და რაც მთავარია იაფად.
საბჭოეთში ოქტომბრის რევოლუციისა და შემდგომ 1941 წლის ზამთარში НКВД-ს (შინსახკომი) მიერ ათასობით რეგისტრირებული ფრანკოტი(და არა მარტო ამ ფირმის ნაწარმი) იქნა ჩამორთმეული და გადადნობილი. აი ვანდალიზმი და ცინიზმი!!!
რევოლუციამდელ კატალოგებში მოცემულია ფრანკოტის 30-მდე სახვადასვა მოდელი, ყველაზე იაფიდან დაწყებული, შედევრებით დამთავრებული, რომლებიც მაშინაც კი რამდენიმე ათასი ღირდა.
XX საუკუნის დასაწყისში ჩახმახიანებს თანდათან ცვლიან უჩახმახოები. პირველ მსოფლიო ომამდე ფირმა უშვებდა სერიულ თოფებს წონით 2,5-დან 3,1 კგ-მდე 12, 16 და 20 ყალიბისა. ისინი იყვნენ აღჭურვილი ,,ენსონ-დილის” საკეტებით(სამმაგი), პერდეს ჩარჩოთი და გრინერის ჭანჭიკით.
თოფები გამოდიოდა როგორც ექსტრაქტორებით ასევე ეჟექტორებით. ფრანკოტებს გააჩნდათ ერთ-ერთი თავისებურება, რაც მდგომარეობდა იმაში, რომ მათ ლულებში შევიწროების ზონა(ლულის მონაკვეთი სადაც ხდება შევიწროება) ძალიან გრძელი იყო(100-120მმ), რასაც ლულის პირამდე 5-10მმ მანძილზე ემატებოდა დამატებითი(ნაკლები სიმკვეთრის) შევიწროება. ამიგად ჩოკები ორსაფეხურიანი იყო. შესაბამისად 1,0-1,2მმ შევიწროების პირობებში ასეთ ორლულიანებს გააჩნდათ ფანტასტიური სიბურჯღლე მსხვილ საფანტში.

ლულების არხები და სავაზნეები მზადდებოდა ცოტათი უფრო ვიწრო, რაც იარაღს მატებდა სიმკვეთრეს(ჭრა). აღსანიშნავია, რომ ასეთი თოფებიდან უნდა გასროლილიყო ვაზნა ცოტათი შემცირებული დოზებით.
საშუალო კლასის თოფებთან ერთად ფრანკოტი უშვებდა უმაღლესი კლასის თოფებს, რომლებიც იწონიდნენ(12 ყალიბი) 3.1-3,3კგ-ს. მათი ლულები დამზადებული იყო ძვირფასი ინგლისური ფოლადისაგან. მათი ფასი 500-700 ოქროს რუბლი ღირდა.
30-იანი წლებიდან Auguste Francotte-მა უარი თქვა იაფფასიანი პროდუქციის წარმოებაზე და გადავიდა ძვირფას შეკვეთებზე.
მეოცე საუკუნის 60-70-იანი წლების შემდგომი პერიოდი გარკვეულ ეკონომიკურ სიძნელეებთან იყო დაკავშირებული, თუმცა ფირმამ საკუთარი სახე შეინარჩუნა. 1998 წელს გაკოტრების პირას მისული კომპანია ჰოლანდიელმა ტომ დერკსენმა შეიძინა. მან გადაიარაღება მოახდინა და უახლესი ტექნოლოგიებით აღჭურვა ის.
დღეს ეს ფირმა საკმაოდ მოკრძალებულია(გიგანტებთან შედარებით) თავის მასშტაბებში, მაგრამ უშვებს უძვირფასეს ნაკეთობებს. ვერტიკალურებს, ჰორიზონტალურებს, ხრახნილებს(მხოლოდ ერთეულ ეგზემპლიარებს).
ყველა ამჟამად წარმოებაში მყოფი თოფი არის ხელოვნების ნიმუში გრავიურაში ხომ საერთოდ არაფერია ზედმეტი.
ამ ფირმის თოფებს უკვეთავენ ძირითადად მახალჩინოსნები, კოლექციონერები და ცნობილი მონადირეები საფრანგეთიდან და აშშ დან. ძველი (ნახმარი) ფრანკოტებიც ძალიან დიდი მოთხოვნილებით სარგებლობენ.

ვერტიკალურებს შორის აღსანიშნავია უნიკალური იარაღი(უნდა აღინიშნოს რომ ანალოგიურ ,,ვერტიკალს” F. Dumoulin & С It Liege ფირმაც აწარმოებდა). ესაა ბოკფლინტი Superbritte, რომელსაც სახელი ქვია მისი გამომგონებლის თეოფილე ბრიტის საპადივცემულოდ( 1931 წლის პატენტი). მას გააჩნია ვერტიკალური სახსრის საყრდენი ჭანჭიკი, ამის გამო ვაზნების ჩასაწყობად ლულა უნდა მობრუნდეს გვერდზე მარჯვნივ. ამ ძალიან ელეგანტურ ორლულიანს აქვს ყველაზე დაბალი კალაპოტი ვერტიკალურებში. ის აღჭურვილია გამორთვადი ეჟექტორით. საკეტის მესამე ელემენტი წარმოდგენილია კონუსური ჭანჭიკის სახით, რომელიც მეტალის ცვეთასთან ერთად სულ უფრო ღრმად ჩადის ჭრილში, რაც ფაქტიურად გამორიცხავს ჟამთასვლის შედეგად ლულების რყევას. თოფი ეკუთვნის სუპერმსუბუქ თოფების კლასს და ძალიან კარგად არის დაბალანსებული. ლულის 70 სიგრძის პირობებში 12 ყალიბის წონა არ აღემატება 2,9 კგ-ს; 16 ყალიბის პირობებში 2,7 კგ-ს, ხოლო 20 ყალიბისას კი 2,6 კგ-ს.

ფორუმზე განხილვა

Stoeger



შტოგერი ყველა სახისა და მოდიფიკაციის იარაღს აწარმოებს, რომლების ნადირობისა და სპორტისთვისაა განკუთვნილი.
კომპანიის ისტორია 1924 წელს დაიწყო, როცა ავსტრიელმა ემიგრანტმა შტოგერმა იარაღის საამქრო-მაღაზია დააფუძნა. იმ პერიოდისათვის დამფუძნებელი აღნიშნავდა, რომ წარმოადგენს ერთადერთ ექსპორტიორს აშშ-სა და კანადაში. შტოგერს ამ ქვეყნებში გერმანული პისტოლეტები შეჰქონდა.
დაფუძნების შემდგომ წელს ფირმამ საკუთარი კატალოგიც დაბეჭდა.
1990 წელს საწარმო იყიდა ფინურმა კომპანია საკომ და შენაძენს Stoeger Industries უწოდა. 2000 წელს კი თავად საკო შევიდა Beretta Holding SpA-ს შემადგენლობაში. შტოგერი ამ შემადგენლობაში დღემდე რჩება.
იტალიურ კომპანიასთან შეერთებამ და მოწინავე ტექნოლოგიების შემოტანამ შტოგერის რეპურაცია და გაყიდვები ერთიორად გაზარდა.

Stoeger 2000

Stoeger 2000 Defense

შტოგერ 2000 გამოდის მრავალი მოდიფიკაციის. იარაღი საკმაოდ ხარისხიანი ნახევარავტომატია. მართალია ის ჩამოუვარდება იტალიურ ანალოგებს(მოდელი ბენელის ბაზაზეა დამზადებული), მაგრამ მიმართება ფასი-ხარისხი დაცულია. გამოირჩევა მკვეთრი სიბურჯღლით.
ნახევარავტომატი ინერციულ ავტომატიკაზეა(Benelli M1 Super 90 ბაზა), ლულის არხი ქრომირებულია. სანადირო მოდელებს სახსნელი ჩოკები აქვთ(მოდელ Stoeger 2000 Defense-ის ლულა ცილინდრია). ტევადობა 4+1 ვაზნა; კონდახი კაკლის ან პლასტიკატის; გააჩნია რეზინის ამორტიზატორი; უმეტესად ვენტილირებადი სამიზნე თამასით(Stoeger 2000 Defense-ს თამასა არა აქვს)

condor

სპორტული მოდელი condor გამოდის 12 და 20 ყალიბის. 70 ან 76 მმ სავაზნით. აქვს კარგი ბალანსი, ერთსახლეტიანი სელექტორული მექანიზმი. აღჭურვილია ავტომატური ეჟექტორებით. კაკლის კონდახი ორ სიბრტყეში რეგულირდება(ვერტიკალი-ჰორიზონლალი), რითაც შესაძლებელს ხდის გამოყენებული იქნას როგორ მემარჯვენეთათვის ისე მემარცხენეთათვისაც. ლულას გააჩნია გაზოდინამიური კომპენსატორები.

ფორუმზე განხილვა