გოგა ხაჩიძე ჩეხეთის გარემოს დაცვის მინისტრს მასპინძლობს

საქართველოს გარემოს დაცვის სამინისტროს ჩეხეთის გარემოს დაცვის მინისტრი ბატონი ტომაშ ხალუპაოფიციალური ვიზიტით ეწვია და გოგა ხაძიძეს შეხვდა.

შეხვედრაზე ჩეხეთის დელეგაცია ქართულ გარემოს დაცვის სისტემას და მის მიმდინარე საქმიანობას გაეცნო. ტომაშ ხაპულას ვიზიტი იმ თანამშრომლობის გაგრძელების დამადასტურებელია, რომელიც საქართველოსა და ჩეხეთს შორის წლებია მიმდინარეობს. მათი მხარდაჭერით ჩვენს ქვეყანაში ყოველთვის მნიშვნელოვანი, კონკრეტული და შედეგებზე ორიენტირებული ერთობლივი გარემოსდაცვითი პროექტები ხორციელდება.

„ჩეხეთში ჩვენი სამინისტროს დელეგაციის ვიზიტის დროს, ჩვენ გვქონდა შეხვედრები მინისტრთან, ჩეხეთის განვითარების სააგენტოსთან და იქიდან კონკრეტული შედეგებით დავბრუნდით. გადაწყდა, რომ დაახლოებით 700 ათასი ევრო დაიხარჯება საქართველოში 6 დამოუკიდებელი მეტეოსადგურის ასაშენებლად, რომელიც პროგნოზირების სისტემას შეუერთდება და ჩაერთვება საერთო ქსელში. ამ პროექტის მეორე ნაწილი მოიცავს დაცულ ტერიტორიებში მზის ბატარეების დამონტაჟებას, რომელიც სარგებელს მოუტანს, როგორც ჩვენს ადმინისტრაციას, ასევე ადგილობრივ მოსახლეობას. ჩეხეთის მხარე გამოირჩევა ერთი კონკრეტული ნიშნით – მათი მხარდაჭერით ხორციელდება ყოველთვის პრაქტიკული პროექტები ხელშესახები რეზულტატებით. დარწმუნებული ვარ, რომ ეს თანამშრომლობა გაღრმავდება და განმტკიცდება. ამის საშუალებას გვაძლევს, ჩვენს სამინისტროებს შორის არსებული ძალიან კარგი ურთიერთობა და თანამშრომლობა. ეს არ არის ცალმხრივი დახმარების რეჟიმში მუშაობა. ისინიც არიან დაინტერესებული ჩვენი გამოცდილებით და დღევანდელ შეხვედრაზე მათთვის საინტერესო ინფორმაცია მიიღეს,” - განაცხადა მინისტრმა გოგა ხაჩიძემ.

ვიზიტის ფარგლებში ორი ქვეყნის გარემოს დაცვის სამინისტროებს შორის გარემოს დაცვის საკითხებში თანამშრომლობის შესახებ მემორანდუმი გაფორმდა, რომელიც პრაღაში გოგა ხაჩიძის ვიზიტის დროს დასახული მიზნების და გეგმების განხორციელებას უზრუნველყოფს. ასევე, ხელს შეუწყობს ახალი გარემოსდაცვითი პროექტების დაწყებას.

„ეს არის ჩეხეთისა და საქართველოს გარემოს დაცვის სამინისტროებს შორის თანამშორმლობის მემორანდუმი, რაც ჩვენი თანამშრომლობის ძალიან კონკრეტული დასაწყისია და მოიცავს სხვადასხვა გარემოსდაცვით საკითხებს, როგორიცაა: ატმოსფერული ჰაერის დაცვა, წყლის რესურსების მართვა, ნარჩენების მართვა, ეროვნული პარკების განვითარება და სხვა მნიშვნელოვანი გარემოსდაცვითი მიმართულებები. ჩვენ განვიხილეთ ღონისძიებები, თუ როგორ უნდა დავიცვათ და შევუნარჩუნოთ ბუნება მომავლ თაობას,” - აღნიშნა ჩეხეთის გარემოს დაცვის მინისტრმა ტომაშ ხალუპამ.

შეხვედრა მიზნად ისახავდა საქართველოსა და ჩეხეთის რესპუბლიკას შორის პარტნიორული ურთიერთობების გაღრმავებას, საერთაშორისო გარემოსდაცვით საქმიანობაში საქართველოს როლის გაძლიერებას და უზრუნველყოფს განვითარებული პარტნიორი ქვეყნის მხრიდან საქართველოს მხარდაჭერას გარემოსდაცვით ძალისხმევაში.

დელეგაციის ვიზიტი 2 დღე გაგრძელდება და ჩეხი კოლეგები სათაფლიის ნაკრძალს მოინახულებენ.

www.moe.gov.ge

გოგა ხაჩიძე ჩეხ კოლეგას უმასპინძლებს

გარემოს დაცვის მინისტრი გოგა ხაჩიძე დღეს ჩეხეთის გარემოს დაცვის მინისტრს ტომას ხაპულას უმასპინძლებს.

როგორც “ინტერპრესნიუსს” საქართველოს გარემოს დაცვის სამინისტროდან აცნობეს, სამინისტროში შეხვედრაზე ჩეხეთის დელეგაცია გარემოს დაცვის სისტემას გაეცნობა.
ვიზიტის ფარგლებში ორი ქვეყნის სამინისტროებს შორის გარემოს დაცვის საკითხებში თანამშრომლობის შესახებ მემორანდუმი გაფორმდება, რომელიც პრაღაში გოგა ხაჩიძის ვიზიტის დროს დასახული მიზნების და გეგმების განხორციელებას უზრუნველყოფს. ასევე, ახალი გარემოსდაცვითი პროექტების დაწყებას შეუწყობს ხელს.

შეხვედრა მიზნად ისახავს საქართველოსა და ჩეხეთის რესპუბლიკას შორის პარტნიორული ურთიერთობების გაღრმავებას, საერთაშორისო გარემოსდაცვით საქმიანობაში საქართველოს როლის გაძლიერებას და ასევე, განვითარებული პარტნიორი ქვეყნის მხრიდან საქართველოსთვის გარემოსდაცვით საკითხებში მხარდაჭერას უზრუნველყოფს.

“ეკოლოგიური სამართლის ცენტრი” რუსეთ-საქართველოს ომის დროს გადამწვარი ტყეების აღდგენას ითხოვს

“ეკოლოგიური სამართლის ცენტრი” 2008 წლის აგვისტოში რუსეთ-საქართველოს ომის დროს რუსეთის საოკუპაციო ჯარის მიერ განადგურებული 1 100 ჰექტარი ტყის ფართობის აღდგენას ითხოვს.

როგორც ცენტრის იურისტმა ნიკოლოზ მჟავანაძემ დღეს გამართულ პრესკონფერენციაზე განაცხადა, ბორჯომის ხეობაში გეოლოგიური კვლევისა და ნიადაგის შესწავლის შემდეგ აღდგენითი პროცესი დიდი ხნის წინ უნდა დაწყებულიყო, თუმცა, ტყეები დღეს ხანძრის ნარჩენებისგანაც კი არ არის გათავისუფლებული. მისი თქმით, თუ აღდგენითი პროცესები უმოკლეს ხანში არ დაიწყება, მეწყერსაშიში მოვლენები და ეკოლოგიური კატასტროფები ხეობაში გარდაუვალი იქნება.

მჟავანაძის განცხადებით, პრობლემის გადასაჭრელად 2008 წელს ფინეთის მთავრობამ საქართველოს მილიონ ნახევარი ევრო გამოუყო, თუმცა, რაში დაიხარჯა აღნიშნული თანხა, უცნობია.

“დღეს სატყეო სექტორს ენერგეტიკისა და ბუნებრივი რესურსების სამინისტრო განაგებს. მოვუწოდებთ მინისტრ ხეთაგურს, არა ტყეების გაყიდვაზე, არამედ მათ გადარჩენაზე იფიქროს და 1 100 ჰექტარი ტყის ფართობის აღსადგენად სასწრაფოდ მიიღოს ზომები. გვაინტერესებს როდის და რა მეთოდებით მოხდება დამწვარი ტყის მასივების აღდგენა და რაში დაიხარჯა ფინეთის მთავრობის მიერ გამოყოფილი მილიონ ნახევარი ევრო”, – განაცხადა ნიკოლოზ მჟავანაძემ.

Jeep Wrangler 2012

მიუხედავად იმისა, რომ მსოფლიო დონის ავტომწარმოებლები ახალი და ახალი მოდელების, განსხვავებული ვიზუალისა და ტექნიკური მაჩვენებლების ავტომობილების შექმნას ცდილობენ, Chrysler მსგავს ცვლილებებს არ მიმართავს და თითქმის ყველაფერს შეუცვლელად ტოვებს. ავტომობილების ვიზუალური მახასიათებლები უცვლელი რჩება, გარდა კორპუსის ფერებისა. თითქმის არაფერი იცვლება Wrangler–ის სალონშიც. თუმცა 2011 წლის სამოდელო რიგის ავტომობილების სალონებმა გარკვეული ცვლილებები უკვა განიცადეს.

ყოველივე ძალიან სერიოზულად არის, ცვლილებები, ძირითადად, ძრავს შეეხო. 3,8 ლიტრიანი V6–ის ნაცვლად, Wrangler ახლა გამოიყენებს ახალ, შედარებით ეკონომიურ 3,6 ლიტრიან V6–ს Pentastar–ის სერიიდან. წინამორბედებთან შედარებით, ახალი ძრავი ავტომობილის სიმძლავრეს 40 პროცენტით გაზრდის, აქედან გამომდინარე, ავტომობილის სიმძლავრე 285 ცხენის ძალა იქნება. შეიცვლება გადაცემათა კოლოფიც. ოთხსაფეხურიანის მაგივრად აგრეგატი ხუთსაფეხურიან გადაცემათა კოლოფთან ერთად იმუშავებს.

Jeep–ის დირექტორატის წარმომადგენლის, მაიკ მენლის აზრით, ახალი Wrangler–ი მიუხედავად ახალი გულისა, ძველებურ სულს შეინარჩუნებს. ამასთანავე, იგი ირწმუნება, რომ ახალი მოდელის მაჩვენებლები საგრძნობლად გაუმჯობესდა.

ისევე როგორც გასული წლის სერია, Wrangler 2012–იც ოთხ ვარიანტში იქნება წარმოდგენილი: Sport, Sport+, Sahara და Rubicon. მოდელების ღირებულებებზე კონკრეტული ინფორმაცია არ გავრცელებულა, თუმცა ვარაუდობენ, რომ ამერიკის შეერთებულ შტატებში, ავტომობილების ფასი 35 000–დან 40 000 ამერიკულ დოლარამდე იმერყევებს.

www.presa.ge

მურა დათვმა ორი ადამიანი შეჭამა!

 

საშინელი უბედურება დატრიალდა 13 აგვისტოს კამჩატკაზე, ელიზოვსკის რაიონში, მდინარე პერეტუნკასთან. კამჩატკის უზარმაზარი მურა დათვის (ეს თითქმის 3 მ სიგრძის ნადირი იგივე ჩრდილოამერიკული გრიზლია და 700-800 კგ-ს იწონის) თავდასხმას სოფელ კორიაკის ორი მცხოვრები – 19 წლის ოლგა მოსკალიოვა (მოსკოვის თანამედროვე ჰუმანიტარული აკადემიის პირველი კურსის სტუდენტი) და მისი მამინაცვალი, 45 წლის იგორ ციგანენკოვი  ემსხვერპლნენ.

იგორი, მისი მეუღლე ტატიანა და ტატიანას 19 წლის ქალიშვილი, ოლგა სოფელ ტერმალნიში, საკუთარ აგარაკზე, ბოსტანში საქმიანობდნენ. შაბათს, 13 აგვისტოს, იგორმა გადაწყვიტა, იქვე 5-6 კმ-ში მდებარე მდინარე პერეტუნკაზე წასულიყო, სადაც რამდენიმე დღის წინ თევზაობისას რაღაც დარჩა. მამინაცვალს ოლგაც გაჰყვა. მათ მანქანა შუა გზაზე დატოვეს და ტყეში მდინარისკენ მიმავალ ბილიკს გაუყვნენ. უეცრად, მაღალი, ხშირი შამბნარიდან კამჩატკის უზარმაზარი მურა დათვი გამოვარდა და იგორს ეძგერა. მხეცმა თათის ერთი დარტყმით მოკლა მამაკაცი.

ოლგამ გაქცევა სცადა, თუმცა ცნობილია, რომ ადამიანი დათვს ვერ გაექცევა – მხეცი ადვილად დაეწია გოგონას და პირი ფეხში ჩაავლო…

ოლგა კიოდა და მშველელს ამაოდ უხმობდა, თუმცა ახლომახლო არავინ აღმოჩნდა. გოგონამ, რომელსაც დათვი ჯიჯგნიდა, მოახერხა დედასთან დარეკვა და უთხრა, – დათვი თავს დაგვესხაო. ტატიანამ ჯერ იფიქრა, – ხუმრობსო, მაგრამ შვილის განწირული კივილით მალევე მიხვდა, რომ გოგონას რაღაც საშინელება სჭირდა, თან ტელეფონში დათვის ღრენა გაიგონა!!!
- დედიკო, დათვი მჭამს… დედა, მტკივა, მიშველეთ, -  ყვიროდა ტელეფონში გოგონა.

იმის შეგრძნებამ, რომ შვილს ვეღარაფერს შველოდა, ტატიანა თითქმის ჭკუიდან გადაიყვანა. ერთი საათის განმავლობაში დედას შვილის განწირული ხმა ესმოდა. ოლგა კიოდა – დათვები მჭამენო – ჩანდა, რომ დედა დათვს მოზრდილი ბელებიც შეუერთდნენ. ბოლოს, ოლგამ დედამისს უთხრა, – არანაირ ტკივილს აღარ ვგრძნობო. მისი უკანასკნელი სიტყვები იყო: “დედა, მაპატიე ყველაფრისთვის… ძალიან მიყვარხარ!”

და ტელეფონი დადუმდა…

რამდენიმე საათში ადგილზე პირველი იგორის ძმა მივიდა, რომელიც უიარაღოდ იყო და თავისი თვალით ნახა, როგორ  ღრღნიდა დათვი მსხვერპლს… მალე პოლიცია და სასწრაფო სამედიცინო დახმარების ბრიგადაც გამოჩნდა, მაგრამ გადასარჩენი აღარავინ იყო.
მოცვივდნენ მონადირეები და ეგერებიც. ერთმა გამოცდილმა მონადირემ ბალახებში დაინახა კაციჭამია დათვი, რომელიც იგორის კეპს ღეჭავდა. მან კარაბინით დაჭრა დათვი, თუმცა მისი მოკვლა მეორე დღისთვის გადადეს.

მეორე დღეს, ექვსმა მონადირემ ძაღლები გაიყოლა კანიბალ დათვზე სანადიროდ. მხეცი მალე იპოვეს და სიცოცხლეს გამოასალმეს ისიც და მისი 2-2 წლის სამი ბელიც, რომლებმაც უკვე გაუგეს კაცის ხორცს გემო – სპეციალისტები თვლიან, რომ ასეთი ცხოველი მომავალშიც გააგრძელებს ადამიანზე ნადირობას და ძალიან საშიშია.

საინტერესო ისაა, რომ დათვი და მისი სამი ბელი  ტურისტებს ადრეც დასხმია თავს -15 ივლისს სოფელ მალკისთან მურა დათვი ტურისტული ბანაკის კარვიდან ახალგაზრდა ქალის გატაცებას შეეცადა, რომელიც მაშინ მხოლოდ დაკბინა. იგი ეგერებმა მანამდეც რამდენჯერმე რეზინის ტყვიებით განდევნეს ბანაკიდან, რის გამოც გულჩვილმა ტურისტებმა “ბოროტი ეგერები” კინაღამ მიბეგვეს…

www.kvirispalitra.ge

ბიძინა გიორგობიანი გაათავისუფლეს

ესპანეთის პოლიციის მიერ დაკავებული საქართველოს სატყეო დეპარტამენტის ყოფილი უფროსი ბიძინა გიორგობიანი გაათავისუფლეს.

ამის შესახებ ინფორმაციას სოციალური ქსელის მეშვეობით თავად გიორგობიანი ავრცელებს.

ის მეგობარს წერს, რომ წუხელ, “ღამის 11 საათზე გამოუშვეს”.

“ღამის 11 საათზე გამომიშვეს, მაგრამ 2 კვირით ესპანეთის ტერიტორია არ უნდა დავტოვო”, – აცხადებს გიორგობიანი.

მისივე თქმით, “გერმანელებმა იომეს გმირულად”.

“სერიოზულ შარს გადავრჩი. ბავშვებთან ერთად ვიყავი ერთი კვირით შვებულებაში და იქ დამაგდა ინტერპოლი. საშინელი 3 კვირა გადავიტანე და ერთი კაი წიგნიც დავწერე სიბნელეში”, – ამბობს სატყეო დეპარტამენტის ყოფილი ხელმძღვანელი.

გიორგობიანი ესპანეთის პოლიციამ რამდენიმე დღის წინ დააკავა. მასზე ძებნა ინტერპოლის საშუალებით ქართულ მხარეს ჰქონდა გამოცხადებული.

ბიძინა გიორგობიანი გერმანიის მოქალაქეა და მას გერმანიამ პოლიტიკური თავშესაფარიც მისცა.

www.presa.ge

ექსტრემალური დასვენება საქართველოში

აქტიური დასვენება საქართველოში სულ უფრო პოპულარული ხდება. ამაში ხელს ბუნებაც გვიწყობს. რა დაცული ტერიტორიები გვაქვს და სად შეიძლება უქმეებზე საინტერესო ადგილების მონახულება. თქვენს კითხვებს დაცული ტერიტორიების სააგენტო უპასუხებს.

გამოგზავნილი შეკითხვები:

მკითხველი ირაკლი: რამდენი დაცული ტერიტორია არსებობს საქართველოში?

საქართველოში არის 14 ნაკრძალი, 9 ეროვნული პარკი, 12 ბუნების ძეგლი, 19 აღკვეთილი და 2 დაცული ლანდშაფტი.

მკითხველი სოფო: რომელ დაცულ ტერიტორიებზეა მოკლე ტურები?

მოკლე ტურების ორგანიზება შესაძლებელია 9 დაცულ ტერიტორიაზე: ლაგოდეხის  ნაკრძალში, ბორჯომ-ხარაგაულის ეროვნულ პარკში, მტირალას ეროვნულ პარკში, ქობულეთის, სათაფლიის, კინტრიშის ნაკრძალებში. ასევე კოლხეთის, ვაშლოვანის და ალგეთის ეროვნულ პარკებში.

მკითხველი დათო: სად შეიძლება ტურების შესახებ ცნობების მოძიება?

ტურების შესახებ ცნობების მოძიება შესაძლებელია დაცული ტერიტორიების სააგენტოს ვებ-გვერდზე (www.apa.gov.ge) ან საკონტაქტო ნომრებზე: 75 38 87; 877 90 72 72; *8888:

მკითხველი მაია: შესაძლებელია თუ არა ტურების ონლაინ დაჯავშნა?

ონლაინ დაჯავშნა შესაძლებელია მხოლოდ დაცულ ტერიტორიებზე არსებულ სერვისებზე. თუ თქვენ ტურის ორგანიზება გსურთ, საჭიროა სატელეფონო ჯავშანი. 75 38 87; 877 90 72 72; *8888:

მკითხველი ანა: აუცილებელია თუ არა რაიმე საბუთის ქონა დაცულ ტერიტორიაზე შესასვლელად?

დაცულ ტერიტორიებზე შესასვლელად აუცილებელი არ არის რაიმე საბუთის წარდგენა, გარდა რამდენიმე დაცული ტერიტორიისა: სათაფლიის, ლაგოდეხისა და ვაშლოვანის დაცულ ტერიტორიებზე აუცილებელია თან იქონიოთ პირადობის დამადასტურებელი მოწმობა.

მკითხველი ირაკლი: რომელ დაცულ ტერიტორიას აქვს საცხენოსნო მარშრუტი?

საცხენესნო მარშუტები მოწყობილია: ბორჯომ-ხარაგაულის ეროვნულ პარკში, ლაგოდეხის ნაკრძალში, თუშეთის, მტირალას, ალგეთის  ეროვნულ პარკებში და კინტრიშის ნაკრძალში.

მკითხველი ირმა:
 მარშრუტის შერჩევისას შეზღუდულია თუ არა ასაკი? მაგალითად, რომელ დაცულ ტერიტორიაზე შეიძლება 14 წლის მოზარდთან ერთად წასვლა?
ასაკობრივი შეზღუდვა ტურებზე არ არსებობს, თუმცა შედარებით რთულ ბილიკებზე პატარა ბავშვების თანხლება რეკომენდირებული არ არის.

მკითხველი თამუნა: საშუალოდ, რა თანხა დამიჯდება ერთდღიანი ტური რომელიმე დაცულ ტერიტორიაზე?

ტურის ღირებულება დამოკიდებულია იმაზე, თუ რა სერვისით ისარგებლებთ. თუმცა, ერთდღიანი ტური ღამისთევით ჯდება, საშუალოდ,  70 ლარი.

მკითხველი გოგა: სად შეიძლება ზუსტი ინფორმაციის მიღება ტურების ფასებთან დაკავშირებით?
ტურის ტარიფებთან დაკავშირებით ზუსტი ინფორმაციის მიღება შესაძლებელია დაცული ტერიტორიების სააგენტოს ვებ-გვერდზე. 

მკითხველი ლელა: არსებობს თუ არა სპეციალურად სკოლის მოსწავლეებისთვის განკუთვნილი მარშრუტები?
დიახ, მსგავსი მარშრუტები დაცულ ტერიტორიებზე არსებობს. ეს არის ეკო-საგანმანათლებლო ტურები. ამ ტიპის ტურებზე ინფორმაციის მოძიება შეგიძლიათ სააგენტოს ოფიციალურ ვებ-გვერდზე.

მკითხველი მაია: ვის შეიძლება მივმართო, თუკი საქართველოს დაცული ტერიტორიების მონახულების სურვილი მაქვს? 

დაცული ტერიტორიების მონახულების სურვილის შემთხვევაში დაუკავშირდით დაცული ტერიტორიების სააგენტოს. საკონტაქტო ნომრებზე: 75 38 87; 877 90 72 72; *8888

www.ambebi.ge

ესპანეთის პოლიციამ ბიძინა გიორგობიანი დააკავა

ესპანეთის პოლიციამ საქართველოს სატყეო დეპარტამენტის ყოფილი ხელმძღვანელი ბიძინა გიორგობიანი დააკავა.

„დარიოდა მალიორკას“ ინფორმაციით, გიორგობიანი სამართალდამცველებმა ესპანეთში, ლევანტეს კუნძულებზე აიყვანეს, ხოლო მისი იდენტიფიცირება აგენტის მეშვეობით შეძლეს.

გამოცემის ცნობით, გიორგობიანი ინტერპოლის მიერ წითელი ცირკულარით იძებნებოდა.

შეგახსენებთ, რომ საქართველომ გიორგობიანზე ძებნა რამდენიმე წლის წინ გამოაცხადა. ქართულმა სასამართლომ გარკვეული დარღვევების გამო მას სასჯელი დაუსწრებლად შეუფარდა.

www.tribuna.ge

ეკო-ბანაკი ლაგოდეხის ნაკრძალში

გარემოს დაცვის სამინისტროს დაცული ტერიტორიების სააგენტოს და არასამთავრობო ორგანიზაცია“სამოქალქო განვითარების საერთაშორისო ქსელის” ინიციატივით ლაგოდეხის ნაკრძალში ეკო-ბანაკი მოეწყო.

ეკო-ბანაკში მონაწილეობა ორმოცდაათმა ახალგაზრდამ მიიღო. ბანაკის პერიოდში მათ ლაგოდეხის ნაკრძალის ყველა ღისშესაიშნაობა დაათვალიერეს და აქტიურად ჩაერთვნენ ეკო-საგანმანათლებლო პროცესში.

დაცული ტერიტორიების სააგენტოს თავჯდომარემ გიორგი შონვაძემ მონაწილეებს საფირმო მაისურები, კეპები და სუვენირები გადასცა.

ეკო-ბანაკის მიზანია ახალგაზრდებში მოხალისეობისა და გარემოსდაცვითი კულტურის განვითარების ხელშეწყობა, ბიომრავალფეროვნების გაცნობა და ჯანსაღი ცხოვრების წესის პოპულარიზაცია.

www.moe.gov.ge

ძილგუდა (ყავი)

სიდიდით მეტია ღნავზე. იქ, სადაც ციყვი არ იცის, მას ხშირად შეცდომით ციყვს უწოდებენ.

ძილგუდა ბევრია წაბლის, მუხის და წიფლის ტყეებში, ხშირად ბაღებშიც შემოდის, იკვებება წიფლის თესლით, რკოთი, თხილით, კაკლით, ეტანება, აგრეთვე, ყურძენს, კურკოვან და წიპწიან ნაყოფსაც. ზამთარში სძინავს. ზამთრისთვის ხის ფუღუროში იმარაგებს კაკალს და სხვა საკვებს. იღვიძებს გაზაფხულზე. საკვების მოსაპოვებლად ღამე გამოდის. ივნის-ივლისში იწყებენ შეწყვილებას. ძილგუდა ბევრია აფხაზეთში, მის ბეწვს იქ ამზადებდნენ. მოპოვება მრავალნაირი გზით შეიძლება, მაგრამ მისი დაჭერა უფრო იოლია ლითონის რკალა ხაფანგით N 0 ან N 1.

ხელსაყრელ პირობებში ერთ მონადირეს შეუძლია 50 ცალი ხაფანგით ერთ ღამეში 70 – 80 დაამზადოს. დამზადება იწყება ივნისში და მთავრდება ივლისში.

საქართველოში გავრცელებულია ქვესახეობა – Glis glis tsheschenicus

ფორუმზე განხილვა