კამერებმა კავკასიაში გადაშენების პირას მყოფი ლეოპარდები აღბეჭდა

2291b4fb-7e8b-4dfa-98e6-1e302b0ea937სომხეთის სამხრეთ ნაწილსა და აზერბაიჯანის ნახიჩევანის რეგიონში დამონტაჟებულმა ვიდეო-კამერებმა გადაშენების პირას მყოფი ლეოპარდები აღბეჭდა, რაც ამ ტერიტორიაზე სულ მცირე ერთი ხვადისა და 2 ძუ ლეოპარდის ბინადრობას ადასტურებს.

„ ეს დადებითი მოვლენაა, რაც მოწმობს, რომ იშვიათი ცხოველი კავკასიაში ჯერ კიდევ დაცულია,“ განაცხადა მსოფლიო ცხოველთა ფონდის კავკასიის რეგიონის დირექტორმა ნუგზარ ზაზანაშვილმა.

მსოფლიო ცხოველთა ფონდი და კატისებრთა ოჯახის მტაცებელთა სპეციალისტების ჯგუფმა ლეოპარდების გადასარჩენად კავკასიის სხვადასხვა ორგანიზაციასთან ერთად სტრატეგია შეიმუშავა.

სტრატეგია მიღებულია სომხეთის, აზერბაიჯანის და საქართველოს მთავრობების მიერ როგორც ეროვნული სამოქმედო გეგმა. სტრატეგია გულისხმობს ლეოპარდების პოპულაციების მონიტორინგს, ბრაკონიერობის აღკვეთასა და დაცული ტერიტორიების რიცხვის ზრდას.

2002 წლიდან სომხეთში დაცული ტერიტორიების რიცხვი 4-ით გაიზარდა, რაც ქვეყნის ტერიტორიის 2.9%-ს შეადგენს. ამჟამად აღრიცხულია დაახლოებით 1300 კავკასიური ლეოპარდი. ისინი ძირითადად ბინადრობენ ირანისა და ჩრდილოეთ კავკასიის ტერიტორიაზე.

კავკასიური ლეოპარდი, რომელიც ასევე ცნობილია სპარსული ლეოპარდის სახელით, წარსულში გავრცელებულ სახეობას წარმოადგენდა. ეს ველური ცხოველები უხვად ბინადრობდნენ შავი ზღვისა და კასპიის ზღვის მთიან რეგიონებში, თუმცა მათმა რიცხვმა საგრძნობლად იკლო მე-20 საუკუნეში. გასულ ზაფხულს, პირველად უკანასკნელი 50 წლის განმავლობაში, ლეოპარდის 2 ბოკვერი დაიბადა რუსეთში.

www.1tv.ge

ლაგოდეხის დაცულ ტერიტორიაზე ვერტმფრენის საშუალებით ცხოველები დაითვალეს

1264541_472963622801426_635689642_o

ლაგოდეხის დაცულ ტერიტორიებზე საველე კვლევა განხორციელდა, რომელიც მსხვილი ძუძუმწოვრების რიცხოვნობისა და სიმჭიდროვის განსაზღვრას ითვალისწინებს. ამ სახის აღრიცხვა ვერტმფრენის საშუალებით ხორციელდება და აერო ფოტო და ვიდეო გადაღებაზეა დაფუძნებული. ძუძუმწოვართა პოპულაციების რიცხოვნობისა და სიმჭიდროვის დადგენა შესაძლებელია სპეციალური ტრანსექტებზე აღრიცხვის გზით, ხოლო მოპოვებული მონაცემები საგანგებო კამერალურ დამუშავებას საჭიროებს.

აღნიშნული კვლევა გარემოსა და ბუნებრივი რესურსების დაცვის სამინისტროს ინიციატივით და ილიას უნივერსიტეტის პროფესორების – ზურაბ გურიელიძის, ნათია კოპალიანისა და ლექსო გავაშელიშვილის მიერ ჩატარდა. ღონისძიებას ასევე ესწრებოდნენ გარემოსა და ბუნებრივი რესურსების დაცვის მინისტრის მოადგილე შალვა ამირეჯიბი, დაცული ტერიტორიების სააგენტოს თავმჯდომარე რატი ჯაფარიძე და ბიომრავალფეროვნების სამსახურის უფროსი სოსო ქარცივაძე.

აღრიცხვა ჩატარდა როგორც ლაგოდეხის დაცული ტერიტორიების – ლაგოდეხის სახელმწიფო ნაკრძალსა და ლაგოდეხის აღკვეთილს პერიმეტრზე, ასევე მათ მომიჯნავე ბუფერულ ზონებშიც. აერო გადაღებების დროს ჯიხვის, ირმის, დათვის, შვლის და სხვათა ძუძუმწოვართა ფოტოები დაფიქსირდა. ხოლო ფრინველებიდან კი, შურთხის მოზრდილი პოპულაცია იქნა აღბეჭდილი. აღნიშნული მასალა ილიას უნივერსიტეტის კვლევითი ლაბორატორიის ბაზაზე დამუშავდება და შედეგები გარემოსა და ბუნებრივი რესურსების დაცვის სამინისტროს შემდგომი გამოყენებისათვის გადაეცემა. აღსანიშნავია, რომ მსგავსი კვლევა ბოლო რამდენიმე ათეული წლის განმავლობაში პირველად განხორციელდა და მიზნად დაცულ ტერიტორიაზე სახეობათა რაოდენობის დადგენას ისახავს.

ინფო 9

ბორჯომის ხეობაში ტყეების აღდგენა დაიწყო

borjomis_tke_parki12 ნოემბერს, 11:00 საათზე, ბორჯომის მუნიციპალიტეტის სოფელი დაბას ეწვევიან გარემოსა და ბუნებრივი რესურსების დაცვის მინისტრი ხათუნა გოგალაძე, გაეროს განვითარებს პროგრამის (UNDP) ხელმძღვანელი საქართველოში ნილს სკოტი და ფინეთის ელჩი საქართველოში ქრისტერ მიხელსონი. ღონისძიებას აგრეთვე დაესწრებიან ბორჯომის გამგებელი დიმიტრი ბერიძე, საქართველოს საპატრიარქოს წარმომადგენლები, თავდაცვის ეროვნული აკადემიის კურსანტები და კადეტთა ლიცეუმის კადეტები.

გაეროს განვითარების პროგრამა (UNDP), გარემოსა და ბუნებრივი რესურსების დაცვის სამინისტრო და სსიპ ეროვნული სატყეო სააგენტო იწყებენ 2008 წლის აგვისტოს კონფლიქტის შედეგად განადგურებული ტყეების აღდგენას ბორჯომის ხეობაში. ინიციატივა ხორციელდება საქართველოს მთავრობის, ფინეთის მთავრობისა და გაეროს განვითარების პროგრამის (UNDP) მხარდაჭერით.

წიწვოვანი და შერეული ტყის საფარის აღდგენა განხორციელდება 16 ჰექტარზე მეტ ფართობზე, სადაც დაირგვება 22,500 სხვადასხვა სახეობის ნერგი.

მოსამზადებელი სამუშაოები დაიწყო ორი თვის წინ, 2013 წლის სექტემბერში. 120 ათასი კვადრატული მეტრი გაიწმინდა დამწვარი ხის ნარჩენებისა და ბუჩქებისგან, ხოლო ნიადაგი მომმზადდა ნერგების დასარგავად და თესლის დასათესად. ამ დროისთვის უკვე დარგულია 17 ათასი ნერგი და დათესილია 60 კგ თესლი.

გიგანტური ბზიკები ჩინეთში ადამიანებს თავს ესხმიან

bzikebi_monadire_com

როგორც სააგენტო ასოშიეიტედ პრესი ადგილობრივი ხელისუფლების ცნობებზე დაყრდნობით იუწყება, რომ ჩინეთში უკვე 41 ადამიანი დაიღუპა ბზიკების თავდასხმისგან. საერთო ჯამში, ივლისის თვიდან მოყოლებული, ამ მწერებისგან დაზარალდა 1600-მდე ადამიანი, აქედან 200 მათგანი დღემდე საავადმყოფოშია, ხოლო 37-ის მდგომარეობა კრიტიკულია.

აზიური ბზიკები (Vespa mandarinia) სიდიდითს ბევრად აღემატებიან თავიანთ ევროპელ თანამოძმეებს – ცალკეული არსებები ზოგჯერ სიგრძეში 55 მმ-ს აღეწევენ, ხოლო მათი ნესტარი, რომლის სიგრძე 5 მმ-ა საკმაოდ ტოქსიკურ შხამს შეიცავს.
სააგენტო “სინხუას” ცნობით, ჩინეთის პროვინციებში, რომელიც განსაკუთრებით იტანჯება ბზიკების შემოსევისგან, ადგილობრივ პოლიციასა და სახანძრო რაზმებს დაურიგეს სპეციალური დამცავი კოსტიუმები. ჩამოყალიბდა მწერების ბუდეების გამანადგურებელი რაზმები, ხოლო სამედიცინო ჯგუფი მოსახლეობაში ავრცელებს ინფორმაციას იმის შესახებ, თუ რა უნდა მოიმოქმედონ ადამიანებმა ბზიკით დაკბენვის შემთხვევაში.

დაცული ტერიტორიების სააგენტოს თავმჯდომარის სამუშაო ვიზიტი გერმანიაში

8f7f522ebc239cb95551f82ecfa44d9a2013 წლის 22 სექტემბერს, დაცული ტერიტორიების სააგენტოს თავმჯდომარე რატი ჯაფარიძე სამუშაო ვიზიტით გერმანიის ქალაქ ბერლინში იმყოფებოდა, სადაც იგი ბუნების დაცვის საერთაშორისო კავშირის (IUCN) ყოფილ წარმომადგენელს საქართველოში – ტობიას გარსტეკის შეხვდა.

შეხვედრის დროს განიხილეს მსოფლიო მემკვიდრეობის სიაში (UNESCO) საქართველოს რამდენიმე დაცული ტერიტორიის შეყვანის პერსპექტივა, რაც მნიშვნელოვნად წინ გადადგმული ნაბიჯი იქნება ქვეყნისათვის ეროვნული პარკების განვითარების სფეროში.

პარალელურად, ქ. ბერლინში სააგენტოს თავმჯდომარე კლაუს ტოპფერის სახელობის სტიპენდიანტთა პროგრამის მეორე გამოშვების მონაწილეთა წინაშე მისასალმებელი სიტყვით გამოვიდა. აღნიშნული სტიპენდია ეძლევათ ბუნების დაცვისა და კონსერვაციის, ასევე დაცული ტერიტორიების მართვის სფეროში მომუშავე ახალგაზრდა ლიდერებს ცენტრალური და აღმოსავლეთ ევროპის, კავკასიისა და ცენტრალური აზიის ქვეყნებიდან. თავად რატი ჯაფარიძე ამავე პროგრამის კურსდამთავრებულია. მან წარმატება უსურვა პროგრამის ყველა მონაწილეს, განსაკუთრებით კი მარიკა ქავთარიშვილსა და ილია ოსეფაშვილს, რომლებიც ამ ჯერზე საქართველოს წარმოადგენენ.

სამონადირეო მეურნეობის მართვის გეგმის საჯარო განხილვა

phpThumb_generated_thumbnailjpgსაქართველოს გარემოსა და ბუნებრივი რესურსების დაცვის სამინისტრო წარმოგიდგენთ შპს “ბორბალო ჯგუფზე” გაცემული სამონადირეო მეურნეობის სპეციალური ლიცენზიის (#0000004) პირობების შესაბამისად შემუშავებულ, სამონადირეო მეურნეობის მართვის გეგმის პროექტს, საჯარო განხილვისათვის.

გთხოვთ, შენიშვნები და წინადადებები წერილობით წარადგინოთ გარემოსა და ბუნებრივი რესურსების დაცვის სამინისტრო ში 2013 წლის 12 ოქტომბრამდე.

სამონადირეო მეურნეობის მართვის გეგმის საჯარო განხილვა გაიმართება გარემოსა და ბუნებრივი რესურსების დაცვის სამინისტროში (მისამართი: გულუას #6) 2013 წლის 18 ოქტომბერს.

გადმოწერეთ - სამონადირეო მეურნეობის შესახებ 

სსიპ დაცული ტერიტორიების სააგენტოს ცენტრალურ აპარატის თანამშრომელთა შესარჩევი კონკურსი

293812_502503363149606_256386497_n

საქართველოს ზოგადი ადმინისტრაციული კოდექსის 52-ე და 53-ე მუხლების, 54-ე მუხლის პირველი ნაწილის, 55-ე მუხლის, 56-ე მუხლის მეორე ნაწილისა და 57-ე  მუხლების, ,,საჯარო თანამდებობათა დასაკავებელი კონკურსის ჩატარების წესის დამტკიცების შესახებ“ საქართველოს პრეზიდენტის 2009 წლის 5 თებერვლის №46 ბრძანებულების მე-6 მუხლის მე-3 პუნქტის მოთხოვნათა შესაბამისად:

         :

1. თანამშრომელთა მიღებასთან დაკავშირებით 2013 წლის 2 ოქტომბრიდან გამოცხადდეს  საჯარო კონკურსი  სსიპ დაცული ტერიტორიების სააგენტოსცენტრალური აპარატის შემდეგ ვაკანტურ თანამდებობებზე:

1.1 თავმჯდომარის მოადგილე (საერთაშორისო ურთიერთობებისა და პროექტების  მიმართულებით) – შრომითი ანაზაღაურება 2120 ლარი – 1 საშტატო ერთეული;

1.2 თავმჯდომარის მრჩეველი – შრომითი ანაზაღაურება 1300 ლარი – 1 საშტატო ერთეული;

1.3 თავმჯდომარის თანაშემწე – შრომითი ანაზაღაურება 870 ლარი – 1 საშტატო ერთეული;

1.4 საერთაშორისო ურთიერთობებისა და პროექტების მართვის სამსახურის უფროსი   - შრომითი ანაზაღაურება 1600 ლარი – 1 საშტატო ერთეული;

1.5 საერთაშორისო ურთიერთობებისა და პროექტების მართვის სამსახურის მთავარი სპეციალისტი  – შრომითი ანაზაღაურება 990 ლარი – 1 საშტატო ერთეული;

1.6 ადმინისტრაციული სამსახურის უფროსი  – შრომითი ანაზაღაურება 1600 ლარი – 1 საშტატო ერთეული;

1.7 ადმინისტრაციული სამსახურის უფროსი სპეციალისტი – შრომითი ანაზაღაურება 870 ლარი – 1 საშტატო ერთეული;

1.8  დაგეგმვისა და განვითარების სამსახურის უფროსი – შრომითი ანაზაღაურება 1600 ლარი – 1 საშტატო ერთეული;

1.9  დაგეგმვისა და განვითარების სამსახურის მთავარი სპეციალისტი (ბუნებრივი რესურსების მართვის სფეროში)  - შრომითი ანაზაღაურება 990 ლარი – 1 საშტატო ერთეული;

1.10  დაგეგმვისა და განვითარების სამსახურის მთავარი სპეციალისტი (სამეცნიერო კვლევისა და მონიტორინგის დარგში) - შრომითი ანაზაღაურება 990 ლარი – 1 საშტატო ერთეული;

1.11  დაგეგმვისა და განვითარების სამსახურის მთავარი სპეციალისტი  (მონაცემთა ბაზის უზრუნველყოფისა და GIS –ის დარგში)  – შრომითი ანაზაღაურება 990 ლარი – 1 საშტატო ერთეული;

1.12  დაგეგმვისა და განვითარების სამსახურის უფროსი სპეციალისტი(განათლებისა და ინტერპრეტაციის დარგში) - შრომითი ანაზაღაურება 870 ლარი – 1 საშტატო ერთეული;

1.13  დაგეგმვისა და განვითარების სამსახურის უფროსი სპეციალისტი(ეკოტურიზმის მართვის დარგში) - შრომითი ანაზაღაურება 870 ლარი – 1 საშტატო ერთეული;

1.14 ინსპექტირების სამსახურის უფროსი  – შრომითი ანაზაღაურება 1600 ლარი – 1 საშტატო ერთეული;

1.15 ინსპექტირების სამსახურის მთავარი სპეციალისტი  – შრომითი ანაზაღაურება 990 ლარი – 1 საშტატო ერთეული;

1.16 მარკეტინგისა და საზოგადოებასთან ურთიერთობის სამსახურის უფროსი  – შრომითი ანაზაღაურება 1600 ლარი – 1 საშტატო ერთეული;

1.17 მარკეტინგისა და საზოგადოებასთან ურთიერთობის სამსახურის მთავარი სპეციალისტი (ჟურნალისტიკა/მასმედია)  - შრომითი ანაზაღაურება 990 ლარი – 1 საშტატო ერთეული;

1.18 მარკეტინგისა და საზოგადოებასთან ურთიერთობის სამსახურის მთავარი სპეციალისტი (საზოგადოებასთან ურთიერთობა – PR)  - შრომითი ანაზაღაურება 990 ლარი – 1 საშტატო ერთეული;

1.19 მარკეტინგისა და საზოგადოებასთან ურთიერთობის სამსახურის უფროსი სპეციალისტი (დიზაინი)  - შრომითი ანაზაღაურება 870 ლარი – 1 საშტატო ერთეული;

1.20 იურიდიული სამსახურის მთავარი სპეციალისტი  – შრომითი ანაზაღაურება 990 ლარი – 1 საშტატო ერთეული;

1.21 ეკონომიკური სამსახურის მთავარი სპეციალისტი  (სახელმწიფო შესყიდვები) – შრომითი ანაზაღაურება 990 ლარი – 2 საშტატო ერთეული;

1.22 ეკონომიკური სამსახურის უფროსი სპეციალისტი  (IT) – შრომითი ანაზაღაურება 990 ლარი – 1 საშტატო ერთეული;

2. კონკურსში მონაწილეობისათვის განცხადების წარდგენა განხორციელდესმხოლოდ ელექტრონული ფორმით, საჯარო სამსახურის ბიუროს მიერ ადმინისტრირებული ვებგვერდის  hr.gov.ge – ს მეშვეობით.

3. დამტკიცდეს  საქართველოს  ვაკანტური თანამდებობის დასაკავებელი კონკურსის ფორმა და პირობები შემდეგი სახით:

ა) საბუთების მიღება განხორციელდეს საჯარო  კონკურსის გამოცხადებიდან 10 დღის განმავლობაში;

ბ) კონკურსის შედეგად ერთ ვაკანსიაზე შეირჩეს ერთი კანდიდატი, რომელიც თავისი პროფესიული ჩვევებით, კვალიფიკაციით, შესაძლებლობებითა და პიროვნული თვისებებით შეესაბამება საკვალიფიკაციო მოთხოვნებს.

გ) კონკურსში მონაწილეობის მიღების უფლება ეძლევა საქართველოს ქმედუნარიან მოქალაქეს, რომელმაც კონკურსის გამოცხადებისთვის მიაღწია 21 წლის ასაკს, აქვს სათანადო ცოდნა და გამოცდილება, ფლობს საქართველოს სახელმწიფო ენას;

დ) კანდიდატს ეძლევა საშუალება გამოცხადებულ კონკურსში გააკეთოს მხოლოდ ერთი განაცხადი. კანდიდატის მიერ ერთდროულად ერთზე მეტ ვაკანტურ პოზიციაზე  კონკურსში მონაწილეობაზე განაცხადის გაკეთების შემთხვევაში განუხილველი დარჩება ყველა განცხადება;

ე)  კონკურსი ჩატარდეს  შემდეგ ეტაპებად:

  • აპლიკაციების გადარჩევა/შეფასება –  შემოტანილი განაცხადის ვაკანსიისათვის დაგენილ საკვალიფიკაციო მოთხოვნებთან შესაბამისობის დადგენა;
  • ინტერვიუ – ზეპირი გასაუბრება, მათ შორის სამუშაო სპეციპიკიდან გამომდინარე კონკრეტული უნარის დამატებით შემოწმება  (პრეზენტაცია,  კომპიუტერული პროგრამა და ა.შ.). მაღალმთიან რეგიონებში კლიმატურიპირობების გაუარესების გამო, კონკურსანტის მე-2 ეტაპში (გასაუბრება)მონაწილეობის შეუძლებლობის შემთხვევაში, კომისია უფლებამოსილიაჩაატაროს გასაუბრება skype-ის მეშვეობით.

ვ) საკონკურსო-საატესტაციო კომისიამ  თითოეულ ვაკანტურ თანამდებობაზე სააგენტოს თავმჯდომარეს დასანიშნად წარუდგინოს შერჩეული მხოლოდ ერთი კანდიდატი  ან უარი განაცხადოს კანდიდატის წარდგენაზე.

4. საკონკურსო-საატესტაციო კომისიის მიერ თანამდებობაზე დასანიშნად წამოყენებული კანდიდატი (გარდა მოქმედი თანამშრომლებისა) ინიშნება თანამდებობაზე, თუ იგი კომისიის გადაწყვეტილების გაცნობის დღიდან 2 კვირის განმავლობაში სააგენტოს წარუდგენს შინაგანაწესის მე-3 მუხლით განსაზღვრულ შემდეგ დოკუმენტებს:

  • კვალიფიკაციის დამადასტურებელი დოკუმენტი (დიპლომის ასლი)
  • შრომის წიგნაკი  (დასაქმებულის სურვილის შემთხვევაში)
  • ცნობა შინაგან საქმეთა სამინისტროდან  ნასამართლეობის შესახებ
  • ცნობა ჯანმრთელობის მდგომარეობის შესახებ
  • მოქალაქის პირადობის დამადასტურებელი მოწმობის ასლი
  • ცნობა ნარკოლოგიური შემოწმების შესახებ, რომ აღრიცხვაზე არ იმყოფება
  • 2 ფერადი ფოტოსურათი ზომა 3×4  (CD დისკზე)

5. დაევალოს ადმინისტრაციულ სამსახურს კონკურსის ჩატარების საჯაროობა და ორგანიზაციული უზრუნველყოფა.

6. დაევალოს მარკეტინგისა და საზოგადოებასთან ურთიერთობის სამსახურს უზრუნველყოს კონკურსთან დაკავშირებული ინფორმაციის განთავსება სააგენტოს ვებ გვერდზე.

7. საკონკურსო საატესტაციო კომისიამ გადაწყვეტილების მიღებიდან არაუგვიანეს 5 დღისა, წერილობით აცნობოს ყოველ კანდიდატს მის მიმართგამოტანილი გადაწყვეტილების შესახებ, ხოლო სააგენტოს თავმჯდომარეს  –კომისიის მიერ წამოყენებული კანდიდატის ან კანდიდატის წამოყენებაზე უარისშესახებ.

8. ეს ბრძანება ღიად განთავსდეს სააგენტოს ყველასათვის ხელმისაწვდომ ადგილზე (საინფორმაციო დაფაზე) და ძალაშია მისი გამოქვეყნებისთანავე (საჯაროდ გამოცხადებისთანავე).

9. ეს ბრძანება შეიძლება გასაჩივრებულ იქნეს ზემდგომ ორგანოში საქართველოსგარემოს დაცვის სამინისტროში (თბილისი, გულუას ქ. №6) მისი ოფიციალურიგამოქვეყნების დღიდან (საჯაროდ გამოცხადებიდან)  ერთი თვის ვადაში.

საფუძველი: საქართველოს გარემოსა და ბუნებრივი რესურსების  დაცვის სამინისტროს 2013 წლის 20 სექტემბრის N 2035 წერილი.

კომისიის    თავმჯდომარე

ლაშა მოისწრაფიშვილი

TEEB-ის ინიციატივით განხორციელებული წინასწარი კვლევის შედეგების პრეზენტაცია

TEEBგარემოსა და ბუნებრივი რესურსების დაცვის სამინისტროსა და გაეროს გარემოსდაცვითი პროგრამის (UNEP) ორგანიზებით გაიმართა TEEB-ის ინიციატივის ფარგლებში განხორციელებული წინასწარი კვლევის შედეგების პრეზენტაცია, რომელიც წარმოადგინა გაეროს გარემოსდაცვითი პროგრამის კეთილი ნების ელჩმა და TEEB-ის ინიციატივის ლიდერმა პავან სუხდევმა. შეხვედრაზე მიღებულ იქნა გადაწყვეტილება საქართველოს მიერ მომდევნო ეტაპის – TEEB-ის სრული კვლევის – განხორციელების შესახებ.

ღონისძიებაში მონაწილეობდნენ გარემოსა და ბუნებრივი რესურსების დაცვის მინისტრი ხათუნა გოგალაძე, ეკონომიკისა და მდგრადი განვითარების მინისტრი, ვიცე-პრემიერი გიორგი კვირიკაშვილი, სოფლის მეურნეობის მინისტრი შალვა ფიფია, რეგიონული განვითარებისა და ინფრასტრუქტურის მინისტრი დავით ნარმანია, ფინანსთა მინისტრი ნოდარ ხადური, ენერგეტიკის მინისტრის მოადგილე მარიამ ვალიშვილი. პრეზენტაციას აგრეთვე ესწრებოდნენ გაეროს გარემოსდაცვითი პროგრამის სხვა მაღალი რანგისა და WWF Caucasus-ის წარმომადგენლები.

შეგახსენებთ, რომ TEEB – ეკოსისტემებისა და ბიომრავალფეროვნების ეკონომიკა (The Economics of Ecosystems and Biodiversity) – ერთ-ერთი უმნიშვნელოვანესი საერთაშორისო ინიციატივაა, ხოლო საქართველო მისი ერთ-ერთი პირველი საპილოტე ქვეყანაა. ინიციატივის მიზანია საზოგადოებისათვის ბიომრავალფეროვნებისა და ეკოსისტემური სერვისების მნიშვნელობის უკეთ გაცნობა; აგრეთვე, ქვეყნების განვითარების გეგმებში და ცალკეული სახელმწიფო გადაწყვეტილებების მიღებისას ბუნებრივი რესურსების ღირებულების სათანადოდ გათვალისწინებისათვის მყარი არგუმენტების მომზადება.

კვლევას, რომელიც მიმდინარეობდა 2011-2012 წლებში, ახორციელებდა WWF Caucasus. კვლევის პროცესში შეიქმნა მრჩეველთა საბჭო სამინისტროების, აკადემიური, არასამთავრობო და ბიზნეს-სექტორის წარმომადგენელთა შემადგენლობით, გაიმართა სამუშაო შეხვედრები.

კვლევამ ნათელყო, რომ საქართველოს ეკონომიკის ძირითადი და პერსპექტიული დარგები – ენერგეტიკა, ტურიზმი, სოფლის მეურნეობა და სატყეო სექტორი – მნიშვნელოვნადაა დამოკიდებული ბუნებრივ კაპიტალსა და ეკოსისტემების სერვისებზე, როგორიცაა მტკნარი და მინერალური წყლის რესურსები, ხელუხლებელი ბუნებრივი ეკოსისტემები და ლანდშაფტები, ნაყოფიერი ნიადაგი, გენეტიკური მრავალფეროვნება, მერქნული და არამერქნული ტყის პროდუქტები და სხვა.

კლუბი – მონადირეთა ლეგიონი

მონადირეთა და მეთევზეთა კლუბი – მონადირეთა ლეგიონი

2013 წლის, 2 აგვისტოს ჩამოყალიბდა და იურიდიული სტატუსი შეიძინა მონადირეთა და მეთევზეთა კლუბმა. კლუბის სახელწოდებაა “მონადირეთა ლეგიონი”. ყველაზე საინტერესო და სასიამოვნო კი ის არის რომ პირველად საქართველოს მონადირეთა კლუბებს შორის მოხდა გაერთიანება და ორი საიტის (Monadire.Com და Khirimi.Ge) შეერთებით ჩამოყალიბდა, ჯანსაღი, აქტიური და ძლიერი კლუბი – მონადირეთა ლეგიონი.

კლუბში ამ ეტაპზე გაწევრიანებულია 30 – მდე წევრი, რომლებთაგანც არიან პროფესიონალი და მოყვარული: მონადირეები, მეთევზეები, ბაზიერები, მოლაშქრეები, ფოტო მონადირეები და ა.შემდეგ. “მონადირეთა ლეგიონი” არ ნიშნავს მხოლოდ ნადირობას და მონადირეებს. აქ გაერთიანებულია ყველაფერი ის რაც ბუნების სიყვარულს ეხება.

კლუბმა იურიდიული სტატუსით პირველი გასვლა სანადიროდ გაკეთა 16-17 აგვისტოს, დმანისი-გომარეთის ტერიტორიებზე.
იხილეთ ბმული – კლუბ მონადირეთა ლეგიონის მიერ სეზონის გახსნა. 2013-2014

შემდეგი ერთობლივი გასვლა მოხდა მარნეულის ტერიტორიებზე 31 აგვისტოს.
იხილეთ ბმული – II ერთობლივი ნადირობა

კლუბის დაგეგმილ ღონისძიებების შუალედში “მონადირეთა ლეგიონის” წევრები ჯგუფ-ჯგუფად გადიან სხვადასხვა მხარეებში და ნადირობის რეპორტებსა და სურათებს აქვეყნებენ ჩვენს ფორუმზე. იხილეთ ბმულების სია – 2013 წლის სეზონი

კლუბს ასევე აქვს დაგეგმილი უამრავი ღონისძიება იხილეთ კლუბის გეგმები (მოცემულია ნოემბრამდე ჩასატარებელი ღონისძიებების გეგმა).
იხილეთ ბმული - 2013 წელს ჩასატარებელი ღონისძიებების გეგმა

ზემოთ ფოტოგალერეაში მოცემულია მცირე ფოტომასალა იმ ნადირობებიდან რომლებიც კლუბმა ჩაატარა 17 აგვისტოდან დღემდე. ფოტოები არეულია და სხვადასხვა დროს არის გადაღებული. თუ დაინტერესდით კლუბით, დარეგისტრირდით ფორუმზე და შემოგვიერთდით. გაითვალისწინეთ, კლუბის წევრების უმეტესობამ ინტერნეტით და ფორუმით ვიპოვეთ ერთმანეთი. რეგისტრაციისთვის დააჭირეთ აქ

ეს კი მცირე ვიდეო მასალა კლუბის პირველი გასვლიდან და “თავისუფალ ეთერში” მიწვევიდან.

წყალტუბოში უკანონოდ მოჭრილი ხეები აღმოაჩინეს

1306748ca7ab538899c8dbc5ee63f7b3წყალტუბოში უკანონოდ მოჭრილი ხეები აღმოაჩინეს. გარემოს დაცვის სამინისტროს ინფორმაციით, გარემოსდაცვითი ზედამხედველობის დეპარტამენტის დასავლეთ ცენტრალური სამსახურის სწრაფი რეაგირების განყოფილების თანამშრომლებმა, წყალტუბოს მუნიციპალიტეტის სოფელ ზარათში, ტყიბულის მუნიციპალიტეტის სოფელ ორპირის სატყეო უბანში უკანონოდ მოჭრილი 12 ძირი წაბლისა და 5 ძირი რცხილის ჯიშის ხე-ტყე აღმოაჩინეს. აღნიშნულ ფაქტთან დაკავშირებით მასალები გადაეგზავნა საგამოძიებო ორგანოებს.

როგორც სამინისტროში აცხადებენ, უკანასკნელი სამი თვის განმავლობაში გარემოსდაცვითი ზედამხედველობის დეპარტამენტის მიერ გამოვლენილ იქნა ხე-ტყის უკანონო მოპოვების 200-ზე მეტი ფაქტი.
გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულება გარემოსდაცვითი ზედამხედველობის დეპარტამენტი მიმდინარე წლის მაისიდან ამოქმედდა. მის მიერ გამოვლენილ იქნა გარემოსდაცვითი კანონმდებლობის დარღვევის 874 ფაქტი, რომელთაგან 25 შეიცავს სისხლის სამართლის დანაშაულის ნიშნებს.

 

ყველაფერი ნადირობაზე, თევზაობაზე და იარაღზე…

Popups Powered By : XYZScripts.com